მოსამართლე ლალი მსხილაძე, რომელიც დღეს მიხეილ სააკაშვილის, ვანო მერაბიშვილისა და სხვა მაღალი თანამდებობის პირების საქმეს განიხილავს 2007 წლის 7 ნოემბრის საქმეზე, რომელზეც თავად აქვს დასკვნა მომზადებული, როცა წლების წინ სახალხო დამცველის სოზარ სუბარის მრჩეველი იყო.

ტამიშის სასაფლაოზე გალის ე.წ. საბაჟოს უფროსის ბესლან მალანძიას ცხედარი იპოვეს. როგორც გამოძიებამ დაადგინა, მისი მკვლელობისას ავტომატი და 9 მმ კალიბრის პისტოლეტი გამოიყენეს. გამოძიების ვარაუდით, მკვლელი მარტო არ იყო.

გაგრაში, საკოლმეურნეო ბაზრის ადმინისტრაციის კაბინეტში დაუდგენელმა პირმა ასფეთქებელი მოწყობილობა შეაგდო. ერთმა ადამიანმა სხეულის დაზიანება - დამწვრობა მიიღო.

სოხუმის იზოლატორიდან ორი საშიში დამნაშავე გაიქცა - გვირაბის გათხრის გზით 1 ოქტომბრის ღამეს ბიძინა ხასიამ და ბაჩო ხაზალიამ გარეთ გააღწიეს და მიიმალნენ. ისინი 2009-2011 წლებში გალის რაიონში ადამიანთა გატაცებებისა და ორგანიზებული ყაჩაღური თავდასხმების გამო იყვნენ მსჯავრდებულები და 19 და 11 წლით თავისუფლების აღკვეთა ჰქონდათ მისჯილი.

სავარაუდოდ, ღამის საათებში, დაუდგენელმა პირებმა ნაძალადევის რაიონში, ქართლელიშვილის ქუჩაზე განთავსებული ჩასარიცხი აპარატი გატეხეს. 

როგორც იუსტიციის მინისტრმა თეა წულუკიანმა დაადასტურა, ვენეციის კომისიაში გიორგი პაპუაშვილის ნაცვლად მინდია უგრეხელიძე იქნება წარდგენილი. შეგახსენებთ, მინდია უგრეხელიძე გაზეთ "კომუნისტის" ყოფილი რედაქტორი, 1990-99 წლებში საქართველოს უზენაესი სასამართლოს თავმჯდომარე, ხოლო 1999-2009 წლებში ადამიანის უფლებათა ევროპული სასამართლოს მოსამართლე.

ოზურგეთში, იოანე პეტრიწის ქუჩაზე დღეს ადრე დილით გამოძიებიათვის დაუდგენელმა პირებმა 'საქართველოს ბანკის" სწრაფი ჩარიცხვის აპარატი მოიპარეს. ამის შესახებ "გურიის მოამბე" იტყობინება.

2-დან 15 სექტემბრამდე ბათუმში 4 ადამიანი მოკლეს და რამდენიმეს მოკვლა სცადეს. გაზეთ "ბათუმელების" მონაცემებით, ბოლო წლების განმავლობაში ბათუმში მსგავსი სტატისტიკა არ დაფიქსირებულა.

გუშინ საღამოს ავჭალაში დაჭრილი ორი ახალგაზრდა, რომლებსაც ცივი იარაღით მიყენებული ჭრილობები აქვთ, საავადმყოფოში ამ დრომდე რჩებიან. გადაუდებელი ოპერაცია უკვე ჩატარდა, მაგრამ ერთერთი დაჭრილის მდგომარეობა მძიმე რჩება. 

თბილისის ცენტრში კიდევ ერთი ინციდენტი მოხდა: ყაზბეგის გამზირზე მამაკაცს ესროლეს. დაჭრილი რესპუბლიკურ საავადმყოფოშია გადაყვანილი.