საქართველოში ევროკავშირის ელჩი ფილიპ დიმიტროვი აცხადებს, რომ ვანო მერაბიშვილის საქმე სერიოზულ მონიტორინგს საჭიროებს და ამის შესახებ დიპლომატები მიანიშნებენ.

14 ივნისს აშშ-ის კონგრესმა უცვლელად დაამტკიცა წარმომადგენლობითი პალატის თავდაცვის კომიტეტის განცხადების ტექსტი საქართველოსთან დაკავშირებით.

საპარლამენტო უმცირესობის წევრი „ნაციონალკური მოძრაობიდან“ დავით საყვარელიძე შსს-ს გრიფით „საიდუმლო“ დოკუმენტაციის მიხედვით შექმნილი გეგმის გამჟღავნებაში ადანაშაულებს.

საქართველოში მიმდინარე პროცესებზე დღეს კითხვებს დავით უსუფაშვილს ბრიუსელში უსვამდნენ, სადაც პარლამენტის თავმჯდომარე ევროპარლამენტის საგარეო კომიტეტში სიტყვით გამოდიოდა.

შსს-ს განცხადებით სამეგრელოში აღმოჩენილი იარაღის, საბრძოლო მასალების, ნარკოტიკული ნივთიერებებისა და "საიდუმლო ხელნაწერების" კადრში მოხვედრილ ფრაგმენტს შორის იშიფრება მოსწავლე მეგის სერგოს ძე ქარდავას სკოლის დღის განრიგი.

შსს-მ სამეგრელოში იარაღისა და საბრძოლო მასალების სამალავი აღმოაჩინა, - ამის შესახებ შს სამინისტროში საგანგებოდ გამართულ ბრიფინგზე სამინისტროს საზოგადოებასთან ურთიერთობის სამსახურის უფროსმა ნინო გიორგობიანმა განაცხადა.

აშშ-ის კონგრესის განცხადებაში საქართველოს მიმართ კრიტიკული ტონი გაჩნდა. კონგრესის კომიტეტის განცხადების ტექსტში, რომელშიც შესწორებები კონგრესმენმა მაიკ ტერნერმა შეიტანა, განხილვის საგნად უკვე იქცა.

ნატო გეგმავს კავკასიას მეტი ყურადღება დაუთმოს - განაცხადა ჯეიმს აპატურაიმ

პიატიგორსკში რუსეთის დიპლომატიური უწყებისა და ნატოს საინფორმაციო ცენტრის დახმარებით გამართულ  საერთაშორისო კონფერენციაზე  „რეგიონალური უსაფრთხოების ახალი გამოწვევები“. კონფერენციაზე,  ბრიუსელთან ვიდეოხიდის საშუალებით,  პოლიტიკურ და უსაფრთხოების საკითხებში ნატოს გენერალური მდივნის თანაშემწეს ჯეიმს აპატურაის ჩაერთო და აღნიშნა, რომ რუსეთი და ნატო ურთიერთკავშირების გაძლიერებით არიან დაინტერსებულნი: “არსებობს საკითხები, რაშიც ჩვენ ვერ ვთანხმდებით, მაგალითად საქართველო და რაკეტსაწინააღმდეგო თავდაცვითი სისტემა. თუმცა, სინამდვილეში კეთდება იმაზე, მეტი ვიდრე გარედან სჩანს.“მან ასევე აღნიშნა, რომ ნატო აპირებს მეტი ყურადღების და ძალისმხევის მიმართვას კავკასიის მისამართით:“ამ რეგიონს შესაფერისი ყურადღება არ ეთმობა. ეს მნიშვნელოვანი რეგიონია, ჩვენ უნდა დავეხმაროთ რუსეთს და ამ რეგიონის მოსახლეობას - ჩვენ კავკასიას შესაფერისი ყურადღება უნდა დავუთმოთ,“-აღნიშნა ჯეიმს აპატურაიმ.

ოფიციალური მოსკოვი "ოკუპირებული ტერიტორიების შესახებ" საქართველოს მოქმედი კანონის გაუქმებას ითხოვს, რომელიც სისხლის სამართლის საქმის აღძვრას ითვალისწინებს მათ მიმართ, რომლებიც აფხაზეთში და ე.წ. სამხრეთ ოსეთში საქართველოს საზღვრის გადაკვეთის გარეშე გაემგზავრებიან. 

საქართველოს მთავრობას მოვუწოდებთ, პატივი სცეს კანონის უზენაესობას, ადამიანისა და ეროვნული უმცირესობების უფლებებს, – ამის შესახებ ნატო-ს გენერალურმა მდივანმა, ანდერს ფოგ რასმუსენმა დღეს ბრიუსელში, ნატო-საქრთველოს კომისიის სხდომის გახსნისას განაცხადა.
ბრიუსელში ალიანსის გენერალურმა მდივანმა და საქართველოს თავდაცვის მინისტრმა, ირაკლი ალასანიამ ნატო-ს წევრი ქვეყნების თავდაცვის მინისტრებს სიტყვით მიმართეს.
"მოხარული ვარ, რომ ნატო-საქართველოს კომისიის სხდომაში მონაწილეობთ. საქართველო ნატო-ს განსაკუთრებული პარტნიორია, რომელსაც სურს ალიანსის წევრი გახდეს. საქართველოს მონაწილეობა ავღანეთში, ნატო-ს ეგიდით მიმდინარე ოპერაციაში მნიშვნელოვანია. საქართველო ISAF-ის ოპერაციაში მონაწილე ნატო-ს არაწევრ ქვეყნებს შორის უმსხვილესი კონტრიბუტორია. ჩვენ განსაკუთრებულად ვაფასებთ საქართველოს კონტრიბუციას ნატო-ს ოპერაციებში. ჩვენ მაღალ შეფასებას ვაძლევთ ქართველი სამხედრო მოსამსახურეების პროფესიონალიზმსა და სიმამაცეს, ასევე მწუხარებას გამოვხატავთ გაღებული მსხვერპლისთვის. მნიშვნელოვანია ის რეფორმებიც, რომელიც თავდაცვის სექტორში მიმდინარეობს, რაც ძალიან შთამბეჭდავია. ნატო საქართველოსთან რეფორმების განხორციელების პროცესში თანამშრომლობს, მოკავშირე ქვეყნები კი გამოხატავენ მზადყოფნას მხარი დაუჭირონ საქართველოს და მას საკუთარი გამოცდილება გაუზიარონ. 
ჩვენ ასევე, დიდი ინტერესით ვაკვირდებით საქართველოს ფარგლებში არსებულ გამოწვევებსა და განვითარების პროცესს. საქართველოს მთავრობას მოვუწოდებთ, პატივი სცეს კანონის უზენაესობას, ადამიანისა და ეროვნული უმცირესობების უფლებებს. ასევე, მოვუწოდებთ განახორციელოს ფუნდამენტური რეფორმები და ჩაატაროს თავისუფალი და სამართლიანი საპრეზიდენტო არჩევნები მიმდინარე წლის ბოლოს. ჩვენ ასევე, ურყევ მხარდაჭერას გამოვხატავთ საქართველოს ტერიტორიული მთლიანობისა და სუვერენიტეტის მიმართ, საერთაშორისო ნორმებით აღიარებულ საზღვრებში. სტაბილური და დემოკრატიული საქართველოს ადგილი ევრო-ატალნტიკურ საზოგადოებაშია. მოუთმენლად ველი, როდესაც საქართველო ალიანსის წევრი გახდება. ნატოს ბუქარესტის სამიტზე მიღებული გადაწყვეტილებები კვლავ ძალაში რჩება. საქართველო გახდება ნატო-ს წევრი, როგორც კი გაწევრიანებისთვის შესაბამის კრიტერიუმებს დააკმაყოფილებს", - განაცხადა რასმუსენმა.
ანდერს ფოგ რასმუსენის გამოსვლის ტექსტი საქართველოს თავდაცვის სამინისტრომ გაავცრელა.