ევროკავშირის ოფიციალურ გვერდზე გამოქვეყნებული განცხადების მიხედვით, ევროკავშირის სადამკვირვებლო მისია საქართველოში შეშფოთებას გამოთქვამს მავთულხლართების აღმართვისა და აფხაზეთთან და ე.წ. სამხრეთ ოსეთთან ადმინისტრაციულ სასაზღვრო ზოლთან თხრილების შექმნის თაობაზე.
განცხადების თანახმად, დაბრკოლებები უარყოფითად აისახება მოსახლეობის ყოფაზე:
"დაბრკოლებების გაზრდილი რაოდენობა აისახება საცხოვრებელ პირობებზე, რამდენადაც ის არღვევს ადგილობრივების ცხოვრებას და ყოფს საზოგადოებას. მეტიც, ეს დაბრკოლებები ზღუდავს ადამიანთა შორის ურთიერთობას, რომელიც არსებითი ინგრედიენტია საზოგადოებას შორის ნდობის შესაქმნელად", - განაცხადა ევროკავშირის სადამკვირვებლო მისიის დროებითმა ხელმძღვანელმა ჯერარდ ფიშერმა.
განცხადებაში ნათქვამია, რომ მისია გააგრძელებს ამ სადავო ტერიტორიებზე პატრულირებას, რათა შეინარჩუნოს ქმედებების ზუსტი და ფაქტობრივი ჩანაწერები. მისია გააგრძელებს ცხელი ხაზის გამოყენებას. ასევე გამოიყენებს ყველა შესაძლო კომუნიკაციას ყველა პარტიის მხარდასაჭერად, რათა განიხილოს ადამიანთა ყოველდღიურ ცხოვრებაზე დადებითი გავლენის მოხდენის ადგილობრივი გადაწყვეტილებები.