ამ დროისთვის არსებული მონაცემებით, მინიმუმ, ოთხი ადამიანი დაიღუპა 13 ივნისს, ღამის საათებში თბილისში დაწყებული წყალდიდობის შედეგად. განსაკუთრებით მძიმე მდგომარეობა იყო ვერის დასახლებაში, ვაკე-საბურთალოს ახალი გზის გასწვრივ მდებარე ტერიტორიაზე.

გადაუღებელი წვიმის გამო წყნეთი-ბეთანიის გზაზე მეწყერი ჩამოწვა, მიწის მასის ქვეშ მანქანებია მოყოლილი. მსხვერპლის შესახებ ინფორმაცია არ გავრცლებულა.  

„ვადასტურებ, რომ თბილისის ზოოპარკიდან ცხოველები გაიქცნენ, ჩემმა მოადგილემ თვითონ ნახა ზოოპარკიდან გაქცეული ცხოველები და მოვუწოდებ მოსახლეობას, ფრთხილად იყვნენ, სანამ მიიღებენ შესაბამის ინსტრუქციებს“, - 

ამ დროისთვის (1:42) არსებული ინფორმაციით, თბილისში ყველაზე რთული ვითარებაა ვერეს დასახლებაში, სადაც რამდენიმესართულიანი კერძო სახლები ადიდებულმა მდინარე ვერემ წაიღო. ინფორმაცია მსხვერპლის შესახებ ჯერჯერობით არ გავრცელებულა. თვითმხილველები წერენ, რომ მდინარემ ოთხი სახლი წაიღო, ისმოდა სახლების მტვრევისა და კივილის ხმები. 

ადიდებულმა მდინარე ვერემ ვაკე-საბურთალოს გადასასვლელ გზასთან ახლოს რამდენიმე საცხოვრებელი სახლი წაიღო. დაახლოებით ერთი საათის წინ და ახლახან გამოქვეყნებულ ფოტოებზე, სადაც ერთი და იგივე ადგილია აღბეჭდილი, სამი სახლი არ ჩანს. ამ ადგილას კერძო სახლები მდებარეობს. 

ადიდებულმა მდინარე ვერემ ისევ დატბორა თამაზ ელიზბარაშვილის ძაღლების თავშესაფარი. ადმინისტრაციამ წყალდიდობის დაწყებისთანავე ცხოველები გალიებიდან გაუშვა, თუმცა, მდინარემ თავშესაფრის კედელი გაარღვია, ხოლო წყლის ნაკადი თითქმის ოფისამდე ავიდა. 

„გაცხადებული მიზნით იმის შესახებ, რომ ოდესაში კორუფცია დაამარცხოს, მიხეილ სააკაშვილი დანაღმულ ველზე გავიდა“, - ამის შესახებ „ობოზრევატელს“ უკრაინის უშიშროების საბჭოს თავმჯდომარის ყოფილმა მოადგილემ, გენერალმა ალექსანდრე სკიპალსკიმ განუცხადა. 

ოდესის ოლქის ხელმძღვანელი, საქართველოს მესამე პრეზიდენტი მიხეილ სააკაშვილი უკრაინის სახელმწიფო საწარმოთა მართვის საზოგადოებრივოი საბჭოს ხელმძღვანელად აირჩიეს. მისი თქმით, ინიციატივა უკრაინის ეკონომიკის მინისტრს ეკუთვნის. 

წლევანდელი საატესტატო გამოცდების მიმართ პრეტენზიებს გამოთქვამენ მოსწავლეები. მათი ნაწილი ამტკიცებს, რომ ტესტები გართულებული იყო, ნაწილი კი ტექნიკურ მიზეზებზე საუბრობს. პრეტენზიებს უსაფუძვლოს უწოდებენ გამოცდების ეროვნულ ცენტრში. 

ყატარის შეიხის ჰამად ბენ ხალიფა-ალ-ტანის სამი ცოლიდან მეორე, უმდიდრესი და მთელ არაბულ სამყაროში პოპულარული შეიხა მოზა თბილისში იმყოფებოდა. საქართველოს დედაქალაქში ის ერევნიდან ჩამოვიდა. ვიზიტი კერძო იყო და გასაიდუმლოვდა.