-
2015-06-10 23:34
„გაცხადებული მიზნით იმის შესახებ, რომ ოდესაში კორუფცია დაამარცხოს, მიხეილ სააკაშვილი დანაღმულ ველზე გავიდა“, - ამის შესახებ „ობოზრევატელს“ უკრაინის უშიშროების საბჭოს თავმჯდომარის ყოფილმა მოადგილემ, გენერალმა ალექსანდრე სკიპალსკიმ განუცხადა.
„მე შემიძლია სააკაშვილს გამძლეობა, მძიმე ბრძოლისთვის მზადყოფნა დაწყებული საქმის ბოლომდე მიყვანა ვუსურვო, იმედია, თვითონაც ხვდება, რომ დანაღმულ ველზე მოძრაობს“, - თქვა გენერალმა.
სკიპალსკის აზრით, არ სჯერა, რომ მიხეილ სააკაშვილი თანამდებობას საკუთარი ინტერესებისთვის გამოიყენებს: „მას ეს არაფერში სჭირდება. შეეძლო სხვა სამსახურში დასაქმებულიყო, მათ შორის, კერძო სექტორშიც და მიეღო იმაზე მეტი შემოსავალი, ვიდრე მიიღებს ამ თანამდებობაზე ყოფნით და ვთქვათ, კორუფციონერების მფარველობით. ეს არაა მის ხასიათში, ამისთვის არ დათანხმებია, დახმარებოდა უკრაინას“, - ამბობს გენერალი სკიპალსკი.
გენერლის თქმით, მაიდნის ენერგიამ აორთქლება დაიწყო, რადგან მისი გამოყენება ორმაგი მორალისა და სტანდარტის მქონე ადამიანებმა გადაწყვიტეს. აქედან გამომდინარე, გენერალმა აღნიშნა: „ჩვენ გვჭირდება კიდევ 50 სააკაშვილი მთელ უკრაინაში, რათა მათ თავიანთ მხრებზე აიღონ ეს მძიმე ტვირთი“.