ბავშვი, რომელსაც ქუთაისში ავტომობილი დაეჯახა, გარდაიცვალა. მოზარდი ქუთაისის ინტერვენციული მედიცინის ცენტრში სასწრაფოს გადაჰყავდა, თუმცა მისი გადარჩენა ექიმებმა ვერ შეძლეს.

შემთხვევის ადგილზე სამართალდამცველები მუშაობენ.

არსებული ინფორმაციით მძღოლი პოლიციას თავად ჩაბარდა.

ქუთაისში, ნიკიას ქუჩაზე ავტომობილი ველოსიპედით მოძრავ ბავშვს რამდენიმე საათის წინ დაეჯახა. ფაქტზე გამოძიება სისხლის სამართლის კოდექსის 276-ე მუხლის მე-2 ნაწილით დაიწყო.

ქუთაისში ავტომობილი ველოსიპედით მოსარგებლე ბავშვს დაეჯახა. შემთხვევა ნიკიას ქუჩაზე მოხდა. სასწრაფო სამედიცინო დახმარების ჯგუფმა ბავშვი ინტერვენციულ საავადმყოფოში გადაიყვანა.

ბოლო დღე-ღამის მანძილზე, იტალიაში კორონავირუსით 474 ადამიანი დაიღუპა, ხოლო ახალი შემთხვევების რაოდენობამ 1900-ს მიაღწია.

დაავადებათა კონტროლის ცენტრის ხელმძღვანელის ამირან გამყრელიძის განცხადებით, მათი გეგმაა 15 მაისამდე დღიურად ჩატარებული ტესტების ოდენობა 1500-მდე გაიზარდოს. როგორც მან ჟურნალისტებს განუცხადა, მაისის ბოლოს და ივნისში დაგეგმილია დღიურად ჩატარებული ტესტების ოდენობა 3000 გახდეს.

გეგმური სტომატოლოგიური მომსახურება 22 მაისიდან აღდგება. ამის შესახებ ინფორმაცია საქართველოს სტომატოლოგთა ასოციაციის ვებგვერდზეა გამოქვეყნებული.

თბილისში, ავჭალაში მამაკაცი დაჭრეს. არსებული ინფორმაციით, მეზობლებს შორის კონფლიქტი დაპირისპირებაში გადაიზარდა, რა დროსაც ერთი მათგანი დაიჭრა.

ჩვენთან ოჯახის სტრუქტურა ისეა მოწყობილი, რომ ხშირად, ერთ ოჯახში, ფაქტობრივად რამდენიმე თაობა ცხოვრობს, სკოლაში, თუ უნივერსიტეტებში მოსწავლეებისა და სტუდენტების სიარული, რომლებიც შემდგომ ამ ოჯახებში უნდა დაბრუნდნენ, რა თქმა უნდა, დაკავშირებულია გარკვეულ რისკებთან, - ამის შესახებ მთავრობის ადმინისტრაციის უფროსმა, ნათია მეზვრიშვილმა განაცხადა.

საჩხერის მუნიციპალიტეტში სეტყვა იყო. მუნიციპალიტეტში მოსულმა უხვმა ნალექმა და სეტყვამ მოსახლეობას მნიშვნელოვანი ზიანი მიაყენა. საჩხერის მერის ბენიამინე ფალავანდიშვილის ინფორმაციით, მუნიციპალიტეტის რამდენიმე სოფელში დაზიანდა ნათესების და ვენახის დაახლოებით 30%.

მისი თქმით, ადგილზე ამ დროისთვის შესაბამისი ჯგუფები მუშაობენ, ზარალის ზუსტი ოდენობა ჯერჯერობით უცნობია.

დაავადებათა კონტროლისა და საზოგადოებრივი ჯანმრთელობის ცენტრის ხელმძღვანელი ამირან გამყრელიძე მიიჩნევს, რომ უკანასკნელ პერიოდში მარნეულში კონტროლი შესუსტდა. ამის შესახებ გამყრელიძემ მარნეულში შეხვედრისას განაცხადა.

დაავადებათა კონტროლისა და საზოგადობრივი ჯანდაცვის ცენტრის ხელმძღვანელის, ამირან გამყრელიძის განცხადებით, ქვეყანაში კორონავირუსით დაავადებულთა 32% ქვემო ქართლზე მოდის.