2020-05-02 19:11

გეგმური სტომატოლოგიური მომსახურება 22 მაისიდან აღდგება. ამის შესახებ ინფორმაცია საქართველოს სტომატოლოგთა ასოციაციის ვებგვერდზეა გამოქვეყნებული.

კერძოდ, ჯანდაცვის მინისტრის 2020 წლის 25 მარტის N01-123/ო ბრძანებაში შეტანილია ცვლილება და ბრძანება ჩამოყალიბდა ახალი რედაქციით. ახალი რედაქციის შესაბამისად, გეგმური სტომატოლოგიური მომსახურების აკრძალვა 2020 წლის 22 მაისამდე იქნება.

წინასწარი ინფორმაციით, რეგულირების სააგენტო განახორციელებს ინფექციების პრევენციისა და კონტროლის საკითხებზე მონიტორინგს და შეაფასებს კლინიკების სრულად ამოქმედების მზაობას. საბოლოო გახსნის ვადები დამოკიდებული იქნება შეფასებასა და ეპიდემიოლოგიური სიტუაციის განვითარებაზე.