მსოფლიოში კორონავირუსით დაღუპულთა რაოდენობამ 252 000-ს გადააჭარბა, დაინფიცირებულია - 3 646 103 და გამოჯანმრთელებულია 1 197 708 ადამიანი, - ამის შესახებ მონაცემებს worldometers-ი აქვეყნებს.
ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარის მაკა სოლოღაშვილის განცხადებით, დღეს კლინიკას კორონავირუსით ინფიცირებული ახალი პაციენტი არ დამატებია, ხოლო ერთი პირი გამოჯანმრთელდა.
ინფექციური საავადმყოფოს სამედიცინო დირექტორის, მარინა ეზუგბაიას განცხადებით, პირველ ხუთეულში შემავალი პაციენტი, რომელიც კორონავირუსზე დღემდე დადებითი იყო, გამოჯანმრთელდა. ამის შესახებ ეზუგბაიამ ჟურნალისტებს განუცხადა.
საპარლამენტო უმრავლესობის ლიდერის, მამუკა მდინარაძის განცხადებით, ხელისუფლება მზად არის, ოპოზიციისა და არასამთავრობო სექტორის წარმომადგენლებთან და დარგის სპეციალისტებთან ერთად იმსჯელოს ნებისმიერ თემაზე, რომელიც არჩევნების დათქმულ თარიღში ჩატარებას შეუწყობს ხელს. როგორც მდინარაძემ აღნიშნა, მმართველი გუნდი ამ თემაზე მსჯელობისთვის ღიაა.
საქართველოში კორონავირუსისგან კიდევ 17 პაციენტი გამოჯანმრთელდა და ჯამში ვირუსისგან 240 ადამიანია გამოჯანმრთელებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge არის განთავსებული. კარანტინის რეჟიმშია 4887 ადამიანი, ხოლო სტაციონარში მეთვალყურეობის ქვეშ - 500 პირი.
ბოლო 24 საათის განმავლობაში, სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 107 ახალი ფაქტი გამოვლინდა. მათივე ცნობით, პოლიციამ “კომენდანტის საათის” დარღვევის ფაქტზე, 86 მოქალაქე დააჯარიმა.
„ქართული ოცნება“ საპარლამენტო არჩევნებზე კენჭისყრის პროცესის ჯანმრთელობისთვის უსაფრთხოდ ჩატარების საკითხზე მსჯელობისა და დისკუსიისთვის მზადყოფნას გამოთქვამს.
დღეს საპარლამენტო ფრაქცია „ნაციონალურმა მოძრაობამ“, საქართველოს პარლამენტის რეგლამენტით მინიჭებული უფლებამოსილების ფარგლებში, პრემიერ-მინისტრ გიორგი გახარიას წერილით მიმართა და ინტერპელაციის წესით საპარლამენტო სესიაზე დაიბარა. ამის შესახებ ინფორმაციას „ნაციონალური მოძრაობა“ ავრცელებს.
იმერეთის მხარეში ეპიდსიტუაცია უკვე მე-4 დღეა, უცვლელია, - აღნიშნულის შესახებ იმერეთში სახელმწიფო რმწუნებულმა ზვიად შალამბერიძემ განაცხადა. მისივე განმარტებით, გადაადგილებასთან დაკავშირებით დღეიდან ქუთაისისთვის შეზღუდვების მოხსნას ქუჩაში ხალხის განსაკუთრებული სიმრავლე არ მოჰყოლია.
რუსეთში, ბოლო დღე-ღამის მანძილზე კორონავირუსის 10102 ახალი შემთხვევა გამოვლინდა და საერთო ჯამში ქვეყანაში დადასტურებულმა შემთხვევებმა 155 370-ს მიაღწია. ამასთან, ბოლო 24 საათის განმავლობაში, რუსეთში კორონავირუსით 95 ადამიანი დაიღუპა და გარდაცვლილთა რაოდენობა ამ მაჩვენებლით 1451-მდე გაიზარდა.
