2026-06-09 12:49

„ვერ გივიწყებ“ – ნინო ჩხეიძის ახალი მუსიკალური ისტორია, რომელიც გულამდე ნამდვილად აღწევს.

ქართული ესტრადის ერთ-ერთმა გამორჩეულმა წარმომადგენელმა, ნინო ჩხეიძემ მსმენელს ახალი ნამუშევარი – „ვერ გივიწყებ“ წარუდგინა. სიმღერა სიყვარულის, მონატრებისა და დაუვიწყარი გრძნობების შესახებ გვიყვება.

განსაკუთრებულ ყურადღებას იქცევს სიმღერის ვიდეორგოლი, რომელიც თანამედროვე ტექნოლოგიების გამოყენებით, ხელოვნური ინტელექტის (AI) დახმარებითაა შექმნილი. ვიზუალური მხარე ემოციურ და ფანტაზიურ სამყაროს ქმნის. რაც კომპოზიციის განწყობას კიდევ უფრო გამორჩეულს და შთამბეჭდავს ხდის.

ნინო ჩხეიძის თბილი და ემოციური შესრულება, მელოდიური მუსიკა და ინოვაციური ვიდეოკლიპი ერთიანობაში ქმნის ნამუშევარს, რომელიც მსმენელის გულში დიდხანს რჩება. „ვერ გივიწყებ“ კიდევ ერთხელ ადასტურებს, რომ მომღერალი მუდმივად ცდილობს სიახლეების შეთავაზებას და თანამედროვე ტენდენციების ქართულ მუსიკაში წარმატებით ინტეგრირებას.

სიმღერა  ხელმისაწვდომია მომღერლის YouTube-ზე და მსმენელებისგან დადებით შეფასებები უკვე დაიმსახურა. 

სიმღერის მოსმენა და ვიდეოკლიპის ნახვა დღეიდან, ასევე შესაძლებელია რადიო „დარდიმანდის“ ტალღაზე – FM 97.1-ზე და რადიო „აფხაზეთის ხმის“ ტალღაზე – FM 98.9-ზე. ხოლო ვიდეოკლიპის ნახვას შეძლებთ ტელეკომპანია „დარდიმანდისა“ და „აფხაზეთის ხმის“ ეთერში.