2020-05-02 21:58

ქუთაისში ავტომობილი ველოსიპედით მოსარგებლე ბავშვს დაეჯახა. შემთხვევა ნიკიას ქუჩაზე მოხდა. სასწრაფო სამედიცინო დახმარების ჯგუფმა ბავშვი ინტერვენციულ საავადმყოფოში გადაიყვანა.

„ბავშვი მძიმე მდგომარეობაში იყო და ის ინტერვენციულ საავადმყოფოში გადაიყვანეს,"- აცხადებენ თვითმხილველები.

ადგილზე სამართალდამცველები მუშაობენ. არსებული ინფორმაციით, მძღოლი პოლიციას თავად ჩაბარდა. გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც სატრანსპორტო საშუალების მოძრაობის წესების ან ექსპლუატაციის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.