ერთიანი ნაციონალური მოძრაობის თბილისი ორგანიზაციის თავმჯდომარე გიგი უგულავა მათ შორისაა, ვინც 12 იანვარს ენმ დატოვა და ახალ პარტიაში გადადის. ენმ-ს ცენტრალური ოფისის წინ გამოსვლისას უგულავამ განაცხადა, რომ გული ტკივა, მაგრამ "უნდა მოვიკლათ წარსულ დროებზედ ფიქრი".

საზოგადებრივი მოძრაობა "ივერიის" წევრი, დიპლომატი მამუკა გამყრელიძე ენმ-დან ლიდერებისა და წევრების ნაწილის გასვლას ეხმიანება და წერს, რომ ეს უღირსი წასვლა იყო.

საბერძნეთის ყოფილი პრემიერ-მინისტრი იორგოს პაპანდრეუ 19 იანვარს ათენის პირველი ინსტანციის სასამართლოზე წარდგება წინასაარჩევნო პერიოდში ცრუ დაპირებებისა და იმის მტკიცებისთვის, რომ ამ დაპირებათა შესასრულებლად ბიუჯეტში თანხების მოძიება შესაძლებელია.

ქართული მხარე დათანხმდა რუსეთიდან სომხეთში გაზის ტრანზიტის საფასურის გადახდის იმ ფორმას, რასაც „გაზპრომ ექსპორტი“ მოითხოვდა.

ერთიანი ნაციონალური მოძრაობის ქალთა ორგანიზაციის თავმჯდომარის თინათინ ბოკუჩავას განცხადებით, ენმ-ს ქალთა რაიონული ორგანიზაციების უმრავლესობა უერთდება და მხარს უჭერს 20 იანვარს დაგეგმილ ყრილობას. 

"დემოკრატიული მოძრაობის" ლიდერი ნინო ბურჯანაძე "პალიტრა ტვ"-სთან საუბარში აცხადებს, რომ ბიძინა ივანიშვილმა საკუთარი ოპოზიცია პარლამენტშიც შექმნა და პარლამენტს გარეთაც შექმნის. ბურჯანაძეს არ დაუკონკრეტებია, ვის გულისხმობს "პარლამენტს გარეთ" ოპოზიციაში.

უფლებადამცველი თეა თუთბერიძე მოვლენათა შესაძლო განვითარების ისეთ ვერსიაზე წერს, რა შემთხვევაშიც, შესაძლოა, ის დღეს მიხეილ სააკაშვილის მხარდამჭერი არც ყოფილიყო.

CNN-თან რუსეთის მხრიდან განხორციელებული კიბერშეტევების შესახებ საუბრისას საქართველოს მესამე პრეზიდენტმა გაიხსენა, რომ არჩევნების შედეგებზე გავლენის მოხდენის მიზნით რუსეთის დაზვერვასთან დაკავშირებულმა პირებმა საქართველოში ციხის ინსცენირებული კადრები გაავრცელეს.

თუ ნიკა მელიას წამოაძახებ, რომ პოლიტიკაში შენ გაუხსენი გზა, მაშინ შენც გაიხსენე, ვინ გაგიხსნა გზა პოლიტიკაში, - თეა თუთბერიძე გიგი უგულავას მიმართავს, რომელმაც დღეს განაცხადა, რომ ნიკა მელიას პოლიტიკაში გზა მან გაუხსნა. 

ერთიანი ნაციონალური მოძრაობის თბილისის ორგანიზაციის თავმჯდომარის გიგი უგულავას თქმით, მიხეილ სააკაშვილთან კომუნიკაცია ტელეფონით ჰქონდა, თუმცა, შეხვედრა ჯერ ვერ ხერხდება.