ერთიანი ნაციონალური მოძრაობის მხარდამჭერები და აქტივისტები პარტიის პოლიტსაბჭოს მანიფესტით მიმართავენ. ხელმოწერების შეგროვება 28 ნოემბერს დაიწყო და მანიფესტს ამ დროისთვის ხელი მოაწერა ათასზე მეტმა ადამიანმა. 

ერთიანი ნაციონალური მოძრაობის პოლიტსაბჭოს 22 წევრი საგანგებო მიმართვას ავრცელებს და პარტიის ყრილობის თარიღთან, ფორმატთან და განსახილველ საკითხებთან დაკავშირებით პოზიციას ღიად გამოხატავს. 

ერთიანი ნაციონალური მოძრაობის პოლიტსაბჭო 30 ნოემბერს შეიკრიბება და 14:00 საათიდან დაიწყებს განხილვას, როდის და რა ფორმატით უნდა ჩატარდეს პარტიის ყრილობა. ამ დროისთვის ორი ვარიანტი არსებობს: 27 დეკემბერს, 2.000 დელეგატით და 20 იანვარს, 7.000 დელეგატით.

საქართველოს მესამე პრეზიდენტი, უკრაინის "ახალი ძალების პლატფორმის" ლიდერი და ერთიანი ნაციონალური მოძრაობის დამფუძნებელი მიხეილ სააკაშვილი მიმართვას აქვეყნებს და აცხადებს, რომ ენმ-ს ყრილობის მაქსიმალურად წარმომადგენლობით, ფართო ვარიანტს დაუჭერს მხარს. სააკაშვილის თქმითვე, ორიათასი დელეგატით ყრილობის ჩატარება ამომრჩეველთა და მხარდამჭერთა არასათანადო პატივისცემა იქნება. 

მიხეილ სააკაშვილი სპეციალურ ვიდეომიმართვაში საქართველოს მოქალაქეებს გიორგობასა და "ვარდების რევოლუციის" მე-13 წლისთავს ულოცავს და "ერთიანი ნაციონალური მოძრაობის" მომავლისადმი მის დამოკიდებულებასაც აყალიბებს.

პენტაგონის ექს-შეფი დონალდ რამსფილდი აცხადებს, რომ აშშ-მა უნდა დააჩქაროს ნატოში საქართველოს მიღების პროცესი, რადგან ეს რუსეთის ავანტიურისგან შავი ზღვის რეგიონისა და ახალი ევროპის დასაცავად მნიშვნელოვანი ნაბიჯი იქნება.

უკრაინის ახალი ძალების პლატფორმის ინიციატორი, საქართველოს მესამე პრეზიდენტი მიხეილ სააკაშვილი გადადგომის შემდეგ პირველ ქუჩის აქციას კიევში აანონსებს და უკრაინელებს "ღია რადაზე" იწვევს.

ერთიანი ნაციონალური მოძრაობის პოლიტსაბჭოს წევრი აკაკი მინაშვილი პარტიაში მიმდინარე პროცესებს და სოცქსელებში დაწყებულ მსჯელობას იმაზე, როგორი უნდა იყოს პარტია, დადებით პროცესად მიიჩნევს და ამბობს, რომ პარტიაა ანგარიშვალდებული ამომრჩევლის წინაშე და არა პირიქით.

ერთიანი ნაციონალური მოძრაობის საგარეო ურთიერთობათა მდივანი, პარლამენტის წევრი გიგა ბოკერია 8 ოქტომბრის ღამეს, ცესკოს წინ გამართულ მიტინგზე აცხადებდა, რომ არავის არ უნდა ჰქონდეს ილუზია, თითქოს ენმ პარლამენტში შევა, თუკი "ეხლა 26, 27 თუ 28%-ს დაგვიწერენ".

ერთიანი ნაციონალური მოძრაობის ყოფილი წევრი, პრეზიდენტის ადმინისტრაციის ყოფილი ხელმძღვანელი ანდრო ბარნოვი ერთიანი ნაციონალური მოძრაობის იმ წევრებს, ვინც "ფართო შემადგენლობის ყრილობის რეალობად ქცევისთვის" მუშაობს, ურჩევს, ჯერ ადგილობრივი ორგანიზაციების შიდაპარტიული არჩევნები ჩაატარონ და შემდეგ - ყრილობა.