შიდა ქართლის ოკუპირებულ ტერიტორიაზე, სოფელ ორჭოსანში მდებარე რუსეთის საოკუპაციო ბაზის სამხედროები ყარაფილის მიმართულებით აქტიურად გადაადგილდებიან. ოკუპანტების გააქტიურება ერგნეთის მიმართულებითაც შეიმჩნევა. ინფორმაციას ანტისაოკუპაციო მოძრაობა "ძალა ერთობაშია" ავრცელებს, რომლის მოხალისეები, უკვე 46 დღეა, საოკუპაციო ზოლზე სამოქალაქო მონიტორინგს ატარებენ.

"საქართველოს პირველი პრეზიდენტი მოკლეს, მოსპეს და, სამწუხაროდ, საქართველოს ტერიტორიაზე. მესამე პრეზიდენტს რუსი ოლიგარქი საქართველოში არ უშვებს. თუ ეს ორი ოლიგარქი (ივანიშვილი და პოროშენკო, -რედ. შენიშვნა) მოილაპარაკებს და შეასრულებს პუტინის გეგმას, მომიტაცებს უკრაინიდან და გადამცემენ ივანიშვილის პირად პატიმრად, მაშინ ქართველმა ხალხმა გადაწყვიტოს: თქვენ მზად ხართ ასეთი სირცხვილისთვის? -

საქართველოს მესამე პრეზიდენტი მიხეილ სააკაშვილი, რომელიც 10 სექტემბერს უკრაინაში პოლონეთიდან შესვლას აპირებს, "არჩევანში" აცხადებს, რომ მისი უკრაინული პასპორტი გაუქმებულია და, ფაქტობრივად, არცერთი ქვეყნის ლეგალური დოკუმენტი აღარ აქვს, რადგან საქართველოში მართვის მოწმობაც დაკარგა.

ქობულეთში რუსული ორგანიზაცია «Офицеры России»-ს წარმომადგენლები ისვენებენ. ისინი საქართველოში მანქანებით შემოვიდნენ, სადაც საქარე მინაზე მიმაგრებული საშვი არც კი მოუხსნიათ. ერთერთი ასეთი მანქანის ფოტო ქობულეთში ირაკლი პარკაიამ გადაიღო. 

გაზეთ "ქრონიკა პლუსის" დამფუძნებელი და მთავარი რედაქტორი ელისო კილაძე "აფხაზეთის ხმასთან" აცხადებს, რომ მისი ინფორმაციით, "ქართული მარშის" ერთერთი ინიციატორი და ლიდერი ლადო სადღობელაშვილი და ერეკლე მეორეს საზოგადოების ლიდერი არჩილ ჭყოიძე ერთმანეთს სიტყვიერად დაუპირისპირდნენ.

საქართველოს ფეხბურთის ფედერაციის ყოფილი პრეზიდენტი ზვიად სიჭინავა ზუგდიდის მერობის დამოუკიდებელ კანდიდატად ცესკოში დარეგისტრირდა.

მავთულხლართები, დამატებითი ბარიერები და ცოცხალი ძალის სახით - მესაზღვრეები და სპეცსამსახურების წარმომადგენლები: ასე გამოიყურება სასაზღვრო-გამშვები პუნქტი "კრაკოვეცი" უკრაინა-პოლონეთის საზღვარზე, სადაც 10 სექტემბერს მიხეილ სააკაშვილს ელოდებიან. 

რუსეთის მთავრობამ შეასრულა ბრძანება და გაათავისუფლა საკონსულო ობიექტები სან-ფრანცისკოში, ვაშინგტონსა და ნიუ-იორკში”,-ინფორმაციას  ამის შესახებ  “რია ნოვოსტი” ავრცელებს.

ანტისაოკუპაციო მოძრაობა "ძალა ერთობაშია", შიდა ქართლის საოკუპაციო ზოლის ყარაფილა-ბერშუეთის მონაკვეთზე მოხალისეთა სადამკვირვებლო მისიის ფარგლებში აქვეყნებს სპეცხელსაწყოებით გადაღებულ ფოტოებს, სადაც რუსი ოკუპანტების ნამოქმედარი და მათი თვითნებობაა ასახული. 

აშშ რუსეთს სან-ფრანცისკოში საკუთარი საკონსულოს, ასევე ვაშინგტონსა და ნიუ-იორკში საკონსულო ობიექტების დახურვას სთხოვს. „როიტერზე“ დაყრდნობით, ინფორმაციას "ინტერპრესნიუსი" ავრცელებს.