მიხეილ სააკაშვილის ბრძანების თანახმად, ოდესის ოლქში შემავალ დასახლებულ პუნქტებში სსრ კავშირის ტოტალიტარული ლიდერების, სკკპ-ს თვალსაჩინო წარმომადგენელთა ძეგლებისა და ბიუსტების დემონტაჟი უნდა დაიწყოს.
აზერბაიჯანის ტავდაცვის სამინისტრო ოფიციალურად იტყობინება, რომ ბოლო საათების განმავლობაში მოწინააღმდეგის 12 ერთეული ჯავშანტექნიკა და ცოცხალი ძალა - 170-დე ჯარისკაცი გაანადგურა.
2 აპრილს დონბასში მოქმედი უკანონო შეიარაღებული ფორმირებების წარმომადგენლები, რომლებიც მანქანით გადაადგილდებოდნენ, თავიანთ დანაღმულ ველზე აფეთქდნენ. შედეგად 7 სამხედრო დაიღუპა, მათ შორის ორი სნაიპერი ქალია.
მოსკოვის ცენტრში, ზნამენკის ქუჩაზე, თავდაცვის სამინისტროს შენობის მესამე სართულზე გაჩენილი ხანძარი ხუთივე სართულს მოედო. ხანძარი მეხუთე კატეგორიის საფრთხედ გამოცხადდა.
თვითგამოცხადებული მთიანი ყარაბაღის რესპუბლიკის წარმომადგენელთა განცხადებით, სამხრეთ-აღმოსავლეთ და ჩრდილოეთ მიმართულებებით მთელი ღამის განმავლობაში მიმდინარეობდა შეტაკებები და აზერბაიჯანული მხარის განცხადება სიტუაციის დარეგულირებისა და ცეცხლის შეწყვეტის შესახებ სინამდვილეს არ ასახავს.
მთიან ყარაბაღში განახლებულ შეტაკებებთან დაკავშირებით, რომელსაც მსხვერპლი მოჰყვა როგორც სომხური, ასევე აზერბაიჯანული მხრიდან, თურქეთის პრემიერმინისტრი აჰმედ დავითოღლი აზერბაიჯანის პრეზიდენტს ილჰამ ალიევს ტელეფონით ესაუბრა.
საქართველოს მოქალაქემ, რომელიც წარსულში ნასამართლევია და სასჯელს რუსეთის ერთერთ ციხეში იხდიდა, მისი შემოწმების მცდელობის დროს ბარსელონაში პოლიციელს მუცელში ესროლა და მიმალვა სცადა, რა დროსაც დააკავეს.
ლატვიაში რუსული სააგენტო Sputnik დახურეს. საინფორმაციო სააგენტოს ხელისუფლებამ განუმარტა, რომ გადაწყვეტილების მიზეზი მათ საქმიანობაშია. კერძოდ, ქვეყნის ინტერესების საწინააღმდეგოდ, სხვა ქვეყნის სასარგებლოდ არასწორი ინფორმაციის რეგულარულად გავრცელებაში.
პაკისტანის ქალაქ ლაჰორში, საბავშვო პარკის შესასვლელთან მომხდარი ტერაქტის შედეგად დაღუპულთა რიცხვი 65-დე გაიზარდა, 280-ზე მეტი დაშავებულია. ამის შესახებ "როიტერი" იტყობინება. ადრე 53 დაღუპულის შესახებ გავრცელდა განცხადება.
ბრიუსელის აეროპორტში აფეთქებული თვითმკვლელი ტერორისტისა და იმ სირიელი ლტოლვილის მსგავსებაზე, რომელმაც 2015 წლის სექტემბერში ანგელა მერკელთან სელფი გადაიღო, სოცქსელებსა და მედიაში წერენ.