მაჩეტეთი შეიარაღებული პირი, რომელიც შეძახილით: "ეს სირიისთვის!"; "თქვენი სისხლი უნდა დაიღვაროს!" სამ ადამიანს დაესხა თავს, ლონდონის მეტროში პოლიციამ ელექტროშოკის გამოყენებით დააკავა. მომხდარს უკვე მიენიჭა ტერაქტის კლასიფიკაცია.
რუსმა ტრაილერების მძღოლებმა, რომლებიც სისტემა "პლატონ"-ს (გადასახადი წონის მიხედვით) აპროტესტებენ, გადაკეტეს მოძრაობა მოსკოვის წრიულ ხაზზე. ერთ-ერთმა მძღოლმა განაცხადა,რომ დაწვავს თავის სატვირთო მანქანას წითელ მოედანზე, თუკი გადასახადების ახალ სისტემას არ გააუქმებენ.
თურქეთის პრეზიდენტმა რეჯებ ტაიპ ერდოღანმა განაცხადა, რომ „ისლამური სახელმწიფოსგან“ ნავთობის ყველაზე მსხვილი შემსყიდველი სირიელი ბიზნესმენი რუსეთის მოქალაქეა.
რუსეთის თავდაცვის სამინისტროს მიერ გამოქვეყნებული ბენზინმზიდების ფოტოები, რომლებიც უწყებამ თურქეთისა და ISIS-ის კავშირების დამადასტურებელ ფაქტებად დაასახელა, სინამდვილეში, ერაყელი ქურთების კუთვნილი აღმოჩნდა და „ისლამურ სახელმწიფოსთან“ კავშირი არა აქვს.
თურქეთი და აზერბაიჯანი ტრანსანატოლიური გაზსადენის (TANAP) მშენებლობის დაჩქარებაზე შეთანხმდნენ. „როიტერი“ იტყობინება, რომ ამის შესახებ თურქეთის პრემიერ–მინისტრმა, აჰმედ დავუთოღლუმ აზერბაიჯანის პრეზიდენტ ილჰამ ალიევთან ერთობლივ პრესკონფერენციაზე განაცხადა.
სარატოვში მდებარე ერთერთი გიმნაზიის მოსწავლეთა მშობლები აღშფოთებულნი არიან იმის გამო, რომ სკოლაში „ახალი დიდი რუსული სამხედრო თვითმფრინავის ასაგებად“ მოსწავლეებს შორის ფულის აგროვება დაიწყეს, ხოლო იდეა მოსწავლეებს მიაწერეს.
დიდი ბრიტანეთის საგარეო საქმეთა მინისტრი, რომელიც სირიაში დაეშის წინააღმდეგ ოპერაციაში ჩაბმის მომხრე იყო, აცხადებს, რომ მხოლოდ სამხედრო გზით შეუძლებელია სირიის პრობლემის მოგვარება.
დიდი ბრიტანეთის სამხედრო-საჰაერო ძალების თვითმფრინავები კვიპროსში მდებარე ბაზიდან სირიის მიმართულებით გადაფრინდნენ და კოალიციის ოპერაციის ფარგლებში დაეშის პოზიციებს დაბომბავენ.
აშშ-ის პოლიციის ოფიციალურმა წარმომადგენელმა ჯეროლდ ბურგუანმა განაცხადა, რომ კალიფორნიის შტატში, სან-ბერნარდინოს ოლქის სოციალური დახმარების ცენტრში გახსნილი ცეცხლის შედეგად არანაკლებ 14 ადამიანი დაიღუპა, ამდენივე დაჭრილია.
დაუდგენელმა პირებმა ცეცხლი გახსნეს კალიფორნიის შტატში, სან-ბერნარდინოს ოლქის სოციალური დახმარების ცენტრში მოხდა, რომელიც შეზღუდული შესაძლებლობების მქონე პირთათვისაა განკუთვნილი. არიან დაღუპულები და დაჭრილები. სროლა ორმა ან სამმა პირმა დაიწყო, რის შემდეგაც თავდამსხმელები შემთხვევის ადგილიდან მანქანით გაიქცნენ.