ხვალ, 17 აპრილს დღის 12:00 საათიდან 21 აპრილის ჩათვლით ქვეყანაში სრულად იკრძალება მსუბუქი ავტომობილებით გადაადგილება. ამის შესახებ განცხადება მთავრობის ადმინისტრაციაში გამართულ ბრიფინგზე, რამდენიმე წუთის წინ გაკეთდა.

თბილისის ინფექციური კლინიკის სამედიცინო დირექტორი, მარინა ეზუგბაია მოქალაქეებს დაწესებული შეზღუდვებისა და აკრძალვების შესრულებისკენ მოუწოდებს.

დაავადებათა კონტროლის ეროვნული ცენტრის დირექტორი, ამირან გამყრელიძე მოსახლეობას ეკლესიებში მისვლისგან თავის შეკავებისკენ კიდევ ერთხელ მოუწოდებს და მათ რეკომენდაციით მიმართავს, რომ „წელს დღესასწაულების ფორმატი შევცვალოთ“.

გადამდებ დაავადებათა დეპარტამენტის ხელმძღვანელის ხათუნა ზახაშვილის განცხადებით, ინფიცირებული მძიმე პაციენტების გამოჯანმრთელების ხანგრძლივობა, შესაძლოა, 3-დან 6 კვირამდე გახანგრძლივდეს, რაც ჯანდაცვის სისტემისთვის დიდი ტვირთია. ზახაშვილის თქმით, საჭიროა რაც შეიძლება ნაკლები მძიმე შემთხვევა დაფიქსირდეს ქვეყანაში და ნაკლებ პაციენტს დასჭირდეს ჰოსპიტალიზაცია.

საქართველოში კორონავირუსისგან 76 ადამიანი გამოჯანმრთელდა. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე stopcov.ge-ზე გამოქვეყნდა.

საქართველოში კორონავირუსით ინფიცირების 340 შემთხვევა დაფიქსირდა. ამის შესახებ მთავრობის მიერ სპეციალურად შექმნილ ვებ-გვერდზე stopcov.ge-ზე გამოქვეყნდა.

ყაზახეთისა და კვიპროსის რესპუბლიკებში საქართველოს საელჩოებმა საქართველოს მოქალაქეები საცხოვრებლითა და პირველადი საჭიროებების ნივთებით უზრუნველყვეს, ხოლო უნგრეთსა და ბელარუსში საქართველოს საელჩოების ხელშეწყობით, სამშობლოში სამი მოქალაქე დაბრუნდა. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში ვირუსის გავრცელების ე.წ. ნახტომი ბოლო სამ დღეში ორჯერ დაფიქსირდა.

ბარსელონას მერი, ადა კოლაუ აცხადებს, რომ  ესპანეთში აუცილებელია მკაცრი შეზღუდვები მოიხსნას, რათა ბავშვები გარეთ გავიდნენ.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, რეანიმაციულ განყოფილებაში მყოფი კორონავირუსით ინფიცირებული 9 პაციენტიდან 5-ის მდგომარეობა კრიტიკულია.