სომხეთში, გასული დღე-ღამის მანძილზე კორონავირუსის 62 ახალი შემთხვევა გამოვლინდა და საერთო ჯამში ქვეყანაში დადასტურებულ პაციენტთა რიცხვმა 1 808 შეადგინა.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, ერთი პაციენტის მდგომარეობა მძიმეა, კლინიკიდან ერთი პაციენტი ეწერება, 30 პაციენტის ანალიზის პასუხს კი ლუგარის ლაბორატორიიდან ელოდებიან.

ჩინეთში, კორონავირუსით ინფიცირებული პაციენტების 99%-ზე მეტი გამოჯანმრთელდა. ამასთან, ქალაქ უხანში, რომელიც კორონავირუსის ეპიცენტრი იყო, აცხადებენ, რომ ამ ეტაპზე საავადმყოფოებში კორონავიურით არც ერთი პაციენტი არ არის მოთავსებული.

ქვემო ქართლში სახელმწიფო რწმუნებულის შოთა რეხვიაშვილის განცხადებით, თეთრიწყაროს მუნიციპალიტეტში კორონავირუსი მერიის თანამშრომელს დაუდგინდა. როგორც რეხვიაშვილი განმარტავს, ინფიცირების კიდევ ერთი ფაქტი გამოვლინდა ბოლნისშიც.

შინაგან საქმეთა სამინისტროს ინფორმაციით, ბოლო 24 საათის განმავლობაში, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 115 ახალი ფაქტი გამოვლინდა.

იტალია, ევროპის ყველაზე გრძელვადიანი კარანტინის მოხსნას 4 მაისიდან დაიწყებს. ამის შესახებ ქვეყნის პრემიერ-მინისტრმა, ჯუზეპე კონტემ განაცხადა. შეზღუდვების მოხსნის პირველ ეტაპზე ინდუსტრიული სექტორი გაიხსნება, მომდევნო ორ კვირაში საცალო ვაჭრობის ობიექტები და მუზეუმები. ბარები, რესტორნები და სილამაზის სალონების გახსნა პირველი ივნისისთვისაა დაგეგმილი. რაც შეეხება სკოლებს, კონტეს თქმით,სწავლა სექტემბერში დაიწება.

 ინფექციური საავადმყოფოს სამედიცინო დირექტორმა, მარინა ეზუგბაიამ, აგრესიულ ტესტირებასთან დაკავშირებით რამდენიმე დღის წინ მის მიერ გაკეთებული განცხადება განმარტა.

ოდესის ყოფილი გუბერნატორი, მიხეილ სააკაშვილი დარწმუნებულია, რომ უკრაინის უმაღლესი რადა მას ვიცე-პრემიერად დაამტკიცებს.  ამის შესახებ მან უკრაინულ არხ „უკრაინა 24“-თან განაცხადა.

საგარეო საქმეთა სამინისტროს ინფორმაციით, საზღვარგარეთ საქართველოს დიპლომატიური მისიები, საქართველოს საკოორდინაციო საბჭოს მითითებით და საგარეო საქმეთა სამინისტროს ცენტრალურ აპარატთან კოორდინაციით, დადგენილი კრიტერიუმებით საზღვარგარეთ მყოფი საქართველოს მოქალაქეების დახმარებას განაგრძობენ.

„ამ დროისთვის ბრძოლა მოგებულია“ - აცხადებს ახალ ზელანდიის პრემიერ-მინისტრი, ჯასინდა არდერნი. მისი თქმით, ახალ ზელანდიაში კორონავირუსი დაამარცხეს.