"ფეისბუქზე" ცნობილი მსახიობის ელგუჯა ბურდულის შესრულებით ემოციური სიმღერის ვიდეო გავრცელდა, რომელმაც მოკლე ხანში მოიპოვა პოპულარობა. "ფეისბუქ ლაივის" საშუალებით ის თბილისში, ერთ-ერთი წყვილის ქორწილში მყოფმა ფოტოგრაფმა გიორგი ჩოხელმა გადაიღო. 

მხოლოდ იმისთვის, რომ თავის მანქანაზე რუსული "იანდექს ტაქსის" სტიკერი გააკრან, რუსული კომპანია თბილისში, კერძო ტაქსების მძღოლებს დღეში 35$ უხდის. ამის შესახებ ცნობილი გახდა მას შემდეგ, რაც ქართული კომპანია "ტაქსი 2 200 200" გამოეხმაურა "ფეისბუქზე" გავრცელებულ ინფორმაციას იმის შესახებ, რომ მათ გამოძახებაზე რუსული კომპანიის ტაქსები დადიან. შესაბამისი სტატუსი ფოტოებთან ერთად, სოციალურ ქსელში ციცია ჯაფარიძემ გაავრცელა. 

მცხეთაში დამოუკიდებელი მაჟორიტარობის კანდიდატი ცეზარ ჩოჩელი „ქართული ოცნების“ კანდიდატს დიმიტრი ხუნდაძეს პასუხობს. დიმიტრი ხუნდაძის თქმით, ცეზარ ჩოჩელის გარემოცვა ავრცელებს ხმებს, თითქოს ჩოჩელს „ქართული ოცნების“ მხრიდან ირიბი მხარდაჭერა აქვს.

მცხეთაში "ქართული ოცნების" მიერ წარდგენილი მაჟორიტარი დეპუტატობის კანდიდატის დიმიტრი ხუნდაძის წინასაარჩევნო შეხვედრები მოსაზხლეობასთან ამომრჩეველთა განხილვის საგანი გახდა. ისინი, ვინც შეხვედრებზე მისვლა ვერ მოახერხეს, დიმიტრი ხუნდაძის ცნობილ გზავნილს: "800-დე სამუშაო ადგილი მცხეთაში უკვე შექმნილია" და სხვა ფაქტებს მისი ანგარიშიდან სიცრუეს უწოდებენ და დიმიტრი ხუნდაძეს ალტერნატიული სტატისტიკითა და ფაქტებით უპირისპირდებიან. 

გერმანულ-ამერიკული ორგანიზაციის - GfK-ის კვლევის თანახმად, საპარლამენტო არჩევნებში ქართულ ოცნებას ხმას მოსახლეობის 25.8% მისცემდა, ერთიან ნაციონალურ მოძრაობას 25.5%, უარს პასუხზე 7.7% აცხადებს.

ზაზა ბიბილაშვილი ბიზნესმენს, "მაგთიკომის" ყოფილ გენერალურ დირექტორს დევიდ ლის პასუხობს, რომელიც, თავის მხრივ, სოციალურ ქსელ "ფეისბუქზე" ენმ-ს მიერ ზუგდიდში სანდრა რულოვსის წარდგენის შემდეგ, ყოფილი პირველი ლედის განცხადებებს უპასუხა.

განახლებულია 10:36:32 - პოლიციელი, რომელიც 22 წლის დემურ სტურუას თვითმკვლელობამდე მიყვანის გამოძიებაში ფიგურირებს, სამსახურებრივი მანქანით გადაადგილდება, რაც გარდაცვლილი ახალგაზრდის ოჯახის წევრებისა და მეზობლების უკმაყოფილებას იწვევს. ამის შესახებ "ქუთაისი თუდეი" წერს, თუმცა, ინფორმაციას კატეგორიულად უარყოფენ შსს-ში.

გონიოში, სწავლების დროს გაუჩინარებული ორი ჯარისკაცის საკითხს ეხმიანება "ფეისბუქში" ალექსანდრე ჩიტიშვილი და როგორც სამხედრო საკითხებში ჩახედული პირი, მომხდარის მისეულ ვერსიას ასაჯაროვებს. მისი თქმით, მომხდარი უპასუხისმგებლობისა და არაპროფესიონალიზმის შედეგია, რის გამოც თავდაცვის სამინისტროს მაღალჩინოსნებმა პასუხი უნდა აგონ.

ლონდონის ოლიმპიადის ვერცხლის პრიზიორი, 21 წლის თავისუფალი სტილით მოჭიდავე, გორელი ლადო ხინჩეგაშვილი რიოს ოლიმპიადის ოქროს ჯილდოს მფლობელი გახდა. ოლიმპიური ოქროს მედლისთვის ბრძოლაში ხინჩეგაშვილმა აზიის ჩემპიონი იაპონელი რეი ჰიგუჩი დაამარცხა.

"პატრიოტთა ალიანსის" ერთერთი ლიდერი ირმა ინაშვილი აქვეყნებს რამდენიმე დღის წინ დაანონსებულ ჩანაწერს, სადაც, მისი თქმით, ცნობილი "გამაუპატიურებლის" აღიარებითი ინტერვიუა ჩაწერილი, თუმცა, მის ჩანაწერს შიფრავს "თავისუფლებისა და მხარდაჭერის ცენტრის" ხელმძღვანელი ანი ნადარეიშვილი, რომელმაც ინაშვილის მიერ სკანდალის დაანონსებისთანავე განაცხადა, რომ ხელისუფლება მორიგ სპექტაკლს გეგმავს.