2015-12-04 19:45

რუსმა ტრაილერების მძღოლებმა, რომლებიც სისტემა "პლატონ"-ს (გადასახადი წონის მიხედვით) აპროტესტებენ, გადაკეტეს მოძრაობა მოსკოვის წრიულ ხაზზე. ერთ-ერთმა მძღოლმა განაცხადა,რომ დაწვავს თავის სატვირთო მანქანას წითელ მოედანზე, თუკი გადასახადების ახალ სისტემას არ გააუქმებენ. 

შედეგად, მოსკოვის ჩრდილოეთში, ლენინგრადის გზატკეცილის რაიონში წარმოიქმნა 10-კილომეტრიანი საცობი - იქ მანქანები სამ მწკრივად დგას. რუსეთის დედაქალაქის პოლიციას ჯერჯერობით ოფიციალური განცხადება არ გაუკეთებია.

თვითმხილველთა ცნობით, დაახლოებით 10 სამხედრო მანქანა პოლიციელების თანხლებით უახლოვდება მოსკოვის წრიულ გზას ჩრდილოეთის მხრიდან.

მაკა მალაზონია