2015 წელს ე.წ. დონეცკის სახალხო რესპუბლიკის (ДНР) მთავარი სავაჭრო პარტნიორები იყვნენ რუსეთის ფედერაცია, ე.წ. ლუგანსკის სახლხო რესპუბლიკა და საქართველო. ამის შესახებ თვითგამოცხადებული რესპუბლიკის ეკონომიკის სამინისტრო იუწყება.

იუსტიციის სახლის წინ მდებარე, „რეჟიმის მსხვერპლთა მემორიაზე“, რომელზეც ზურაბ ვაზაგაშვილის, ალექსანდრე ხუბულოვისა და სხვა დაღუპულების სახელებია ამოტვიფრული, ზურაბ ვაზაგაშვილის მიერ მოკლულად დასახელებული ახალგაზრდების ფოტოები გააკრეს.

უკრაინის სახელმწიფო რადის ეროვნული უსაფრთხოებისა და თავდაცვის კომიტეტის თავმჯდომარემ სერგეი პაშინსკიმ განაცხადა, რომ ყირიმში უკრაინის უსაფრთხოების სამსახურის ბევრი თანამშრომელი ნახევარკუნძულის ანექსიამდე რუსეთის უშიშროების ფედერალური სამსახურის აგენტი იყო.

აშშ-ს საელჩო მუდმივად ადევნებს თვალს ქართულ მედიაში მიმდინარე პროცესებს. შესაბამისი განცხადება საქართველოში აშშ-ს ელჩმა იან კელიმ ჟურნალისტებთან გააკეთა. ელჩი იმედს გამოთქვამს, რომ ყველას ექნება აზრის გამოხატვის და გამოთქმის საშუალება და მედიის მუშაობას ხელი არ შეეშლება. 

კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის, ჯეიმს აპატურაის განცხადებით, საქართველოს მხრიდან ყურადღება უნდა გამახვილდეს ნატოს წევრობისკენ სვლის პირველ ნაწილზე – პრაქტიკულ მექანიზმებზე და არ მოხდეს ფოკუსირება პოლიტიკურ ასპექტზე – წევრობის სამოქმედო გეგმაზე. 

„ჩემთვის სულ ერთია ვინ უთხრის ძირს ჩემს ქვეყანას და ვინ არის უმოქმედოდ, რადგან ორივე შემთხვევაში იწირება ხალხი", - პარტია „ლიბერალ-დემოკრატების“ ლიდერი მუხრან ბურჭულაძე მომავალი არჩევნების გაყალბებაზე საუბრობს და არასაპარლამენტო ოპოზიციას გაერთიანებისკენ მოუწოდებს. 

თავისუფალი დემოკრატების ლიდერის, ირაკლი ალასანიას მტკიცებით, სტრატეგიული ოპტიკურ-ბოჭკოვანი არხი, შესაძლოა, რუსეთის ხელში აღმოჩნდეს. როგორც ირაკლი ალასანიამ "კურიერის" პირდაპირ ეთერში განაცხადა, ხელისუფლება მის გასხვისებაზე მუშაობს.

პოლიტოლოგი გია ხუხაშვილი მიიჩნევს, რომ "მაესტროს" გარშემო მიმდინარე პროცესებმა პრემიერ კვირიკაშვილის პოლიტიკური გამოუცდელობა გამოაჩინა, როცა ის ღიად შეხვდა ერთ მხარეს, მეორე მხარესთან შეხვედრაზე კი უარი განაცხადა. 

„ახალ თაობასთან“ ინტერვიუში თამარ ჩხეიძე ამბობს, რომ 2016 წელს მთავარი დაპირისპირებული ძალები ისევ „ქართული ოცნება“ და „ნაციონალური მოძრაობა“ იქნებიან და ამ სიტუაციას მხოლოდ გლობალური მოვლენა თუ გარდატეხს. 

რუსეთის თავდაცვის მინისტრის სერგეი შოიგუს ინიციატივას, გამართულიყო სატელეფონო საუბარი შოიგუსა და პენტაგონის ხელმძღვანელს ეშტონ კარტერს შორის, აშშ-მა უარით უპასუხა.