2016-02-08 17:57

აშშ-ს საელჩო მუდმივად ადევნებს თვალს ქართულ მედიაში მიმდინარე პროცესებს. შესაბამისი განცხადება საქართველოში აშშ-ს ელჩმა იან კელიმ ჟურნალისტებთან გააკეთა. ელჩი იმედს გამოთქვამს, რომ ყველას ექნება აზრის გამოხატვის და გამოთქმის საშუალება და მედიის მუშაობას ხელი არ შეეშლება. 

,,ჩვენი უმთავრესი პრიორიტეტი საქართველოს დემოკრატიის წარმოებაა. წელს ძალიან მნიშვნელოვანი წელიწადია. შემოდგომაზე არჩევნები უნდა ჩაატაროთ. პრიორიტეტია, რომ ყველა პოლიტიკურ მოთამაშეს ჰქონდეს თანაბარი შესაძლებლობები, საკუთარი ხმა მოსახლეობას მიაწოდოს. ამაში მნიშვნელოვან როლს თამაშობს მედია. საელჩო დაინტერესებულია მედიაგარემოს ირგვლივ მიმდინარე პროცესებით. სწორედ ამიტომ ვითხოვეთ შეხვედრა ,,მაესტროს’’ ხელმძღვანელობასთან გასულ კვირას’’, - განაცხადა იან კელიმ.