2016-02-06 22:48

პოლიტოლოგი გია ხუხაშვილი მიიჩნევს, რომ "მაესტროს" გარშემო მიმდინარე პროცესებმა პრემიერ კვირიკაშვილის პოლიტიკური გამოუცდელობა გამოაჩინა, როცა ის ღიად შეხვდა ერთ მხარეს, მეორე მხარესთან შეხვედრაზე კი უარი განაცხადა. 

"რეზონასთან" ინტერვიუში ხუხაშვილი ხაზს უსვამს, რომ იმის მიუხედავად, შეეხო თუ არა კვირიკაშვილი-გაჩეჩილაძის შეხვედრის დროს საუბარი "მაესტროს", პრემიერმინისტრი ან არ უნდა შეხვედროდა გია გაჩეჩილაძეს, ან უნდა შეხვედროდა მეორე მხარესაც, რომ ეჭვები გაექარწყლებინა:

რთ-ერთი მხარის მხრიდან შეცდომებსაც ჰქონდა ადგილი – პრემიერ-მინისტრთან სასაუბროდ სწორედ მაშინ მივიდა, როცა თემა გამწვავდა. რაღაც განსაკუთრებულ ურთიერთობაზეც კი იყო საუბარი. პრემიერის მხრიდანაც იგივე განცხადება გაკეთდა.

ვფიქრობ, ამით კვირიკაშვილის პოლიტიკური გამოუცდელობა კარგად გამოჩნდა. მიუხედავად იმისა, ჰქონდა თუ არა მას გაჩეჩილაძესთან “მაესტროს” თემაზე საუბარი, ერთ-ერთ მხარესთან ღია შეხვედრა არასწორი ნაბიჯი იყო. მაშინ მეორე მხარესაც უნდა შეხვედროდა, რომ ეჭვები გაქარწყლებულიყო.

არადა მეორე მხარესთან შეხვედრაზე მან უარი განაცხადა. ჩემი აზრით, ეს ძალიან მძიმე პოლიტიკური შეცდომაა. კვირიკაშვილს პოლიტიკაში შემოსვლისას ძალიან კარგი სტარტი ჰქონდა და სამწუხაროა, რომ მისი გამოუცდელობა ასეთი არასასიამოვნო ფორმით გამოჩნდა", - ამბობს გია ხუხაშვილი.