2016-02-06 11:20

რუსეთის თავდაცვის მინისტრის სერგეი შოიგუს ინიციატივას, გამართულიყო სატელეფონო საუბარი შოიგუსა და პენტაგონის ხელმძღვანელს ეშტონ კარტერს შორის, აშშ-მა უარით უპასუხა. 

ამის შესახებ, რია ნოვოსტის ცნობით, პარასკევს განაცხადა რუსეთის თავდაცვის მინისტრის მოადგილემ ანატოლი ანტონოვმა.

მისი თქმით, შოიგუსგან წინადადება 19 იანვარს შევიდა: „მოსკოვს გააგებინეს, რომ ეს საუბარი არ იქნებოდა მიზანშეწონილი“, - განაცხადა ანტონოვმა.

რუსეთის თავდაცვის სამინისტრომ, თავის მხრივ, თავი შეიკავა ნატოს სამხედრო ხელმძღვანელობასთან უმაღლეს დონეზე საუბრისგან. უფრო კონკრეტულად, რუსეთმა უარი თქვა ნატოს ინიციატივაზე, გამართულიყო სატელეფონო საუბარი ნატოს სამხედრო საბჭოს თავმჯდომარეს, გენერალ პეტრე პაველსა და რუსეთის გენშტაბის თავმჯდომარეს ვალერი გერასიმოვს შორის.

ანტონოვის თქმით, ეს იმითაა გამოწვეული, რომ ნატოსა და რუსეთს შორის ურთიერთობა სამხედრო სპეციალისტებისა და ოფიცრების დონეზე მუდამ არსებობდა ადა არასდროს შეწყვეტილა, ხოლო საუბარი მხოლოდ საუბრისთვის მათთვის უინტერესოა.