2015-02-01 01:06

უკრაინასა და 2008 წლის აგვისტოს ომის თემა, საქართველოს ოკუპირებული ტერიტორიები და ყირიმის ანექსია, ევროპის მიერ დაწესებული სანქციები, ნატო და საქართველოს პერსპექტივები, - ამ თემებზე საუბრობს ნატო-ს გენერალური მდივანი, ალექსნდრ ვერშბოუ, "რუსთავი2"-თან.

ნატო-ს გენერალურმა მდივანმა საქართველოს მიერ ნაკისრ ვალდებულებებზეც ისაუბრა და თქვა, რომ კითხვები გარკვეული მიმართულებით არსებობს.

„არის სფეროები, რომლებთან დაკავშირებითაც გარკვეული შეშფოთება არსებობს და ჩვენ ამას დავაკვირდებით 2015 წელს. მაგალითად, ველით პროკურატურისა და შინაგან საქმეთა სამინისტროს რეფორმას. გვინდა, ვიხილოთ გაუმჯობესება სასამართლო სისტემის მიუკერძოებლობის კუთხით, ასევე ინსტიტუციების ანგარიშვალდებულების თვალსაზრისით პარლამენტისა და საზოგადოების წინაშე.

"რაც შეეხება შეშფოთებას შერჩევით სამართალთან დაკავშირებით, ეს თემა ამ დრომდე არსებობს. რა თქმა უნდა, საკითხი არ მდგომარეობს ინდივიდუალურ პიროვნებასა და საქმეში. მოკავშირეები თანხმდებიან, რომ ნებისმიერმა ადამიანმა, რომელიც დამნაშავეა ძალაუფლების გადამეტებაში ან კორუფციაში, პასუხი უნდა აგოს. მაგრამ მსგავსი საქმეები უნდა წარმოებდეს აბსოლუტურად გამჭვირვალედ, რომ თავიდან იქნას აცილებული ეჭვიც კი, რომ ბრალდებები პოლიტიკურად მოტივირებულია,“ - აცხადებს ვერშბოუ.

"რუსთავი-2"