2016-11-07 13:00

ოდესის ოლქის პოლიციის უფროსი გიორგი ლორთქიფანიძე დაკავებული თანამდებობიდან საკუთარი სურვილით გადადგა, - ამის შესახებ უკრაინის ნაციონალური პოლიციის პრესსამსახურის განცხადებაშია აღნიშნული. 

გიორგი ლორთქიფანიძე აღნიშნულ თანამდებობნაზე ერთი წლის წინ, ოდესის გუბერნატორის მიხეილ სააკაშვილის წარდგინებით დაინიშნა. მუშაობის ერთი წლის თავზე საქართველოს შს მინისტრის ყოფილმა პირველმა მოადგილემ თანამდებობიდან გადადგომა გადაწყვიტა. 

"ცხოვრებაში ყველაფერს აქვს თავისი ლოგიკური დასაწყისი, განვითარება და დასასრული", - განაცხადა გიორგი ლორთქიფანიძემ და აღნიშნა, რომ მისთვის დიდი პატივი იყო ოდესის ოლქში პოლიციის რეფორმატორთა გუნდთან საქმიანობა. მან წარმატება უსურვა ყველა პოლიციელს და განაცხადა, რომ სჯერა ოდესელების.