მეოთხე დღეა ზუგდიდის საოლქო პროკურორს ვერ პოულობენ. პაატა ქირია სახლიდან გავიდა და მას შემდეგ აღარ დაბრუნებულა. ცნობილია, რომ მისი ტელეფონი 2 დღის წინ რუსთავში იპოვეს, თუმცა თავად პროკურორი არსად ჩანს.

საპარლამენტო უმრავლესობის წევრმა სოსო ჯაჭვლიანმა "მაესტროსთან" სატელეფონო საუბარში განაცხადა, რომ საგურამოში შეკრების დროს ორი მაგიდა იყო, დაახლოებით, 30-30 კაციანი. მისივე თქმით, გავრცელდა ხმები, რომ ვინც ჯაჭვლიანის მაგიდასთან იჯდა, სიაში არ მოხვდებოდა, ხოლო ვინც ივანიშვილის მაგიდასთან იყო, მას აუცილებლად ჩაწერდნენ გამსვლელ სიაში.

საპარლამენტო უმრავლესობის წევრი თამაზ მეჭიაური აცხადებს, რომ საგურამოში ვახშმის დანახარჯი საერთო თანხის შეგროვებით დეპუტატებმა გადაიხადეს და არა ბიძინა ივანიშვილმა. მისი თქმით, არც შაბაშში დახარჯვიათ ფული და თამადაც უფასო ჰყავდათ.

ფრაქცია "ქართული ოცნების" დეპუტატი თემურ ჭკუასელი ადასტურებს, რომ ყოფილმა პრემიერ-მინისტრმა ბიძინა ივანიშვილმა საგურამოს კორპორატიულ შეკრებაზე საპარლამენტო სიის შედგენასთან დაკავშირებით საკუთარი პოზიცია დააფიქსირა.

გაზეთ ქრონიკა პლუსის რედაქტორის ელისო კილაძის ინფორმაციით, პირადი ცხოვრების ამსახველი კადრებით შანტაჟზე აღმასრულებელ ხელისუფლებაში სპეციალური ჯგუფი მუშაობს.

სახელმწიფო კანცელარიის მე-12 სართულზე, სადაც მთავრობის სხდომები ტარდება, ახალი რეგულაციის მიხედვით, ჟურნალისტები სხდომის დღეებში ვერ ავლენ - მათ მინისტრების დალოდება მესამე სართულზე, მედიაცენტრში მოუწევთ. 

თბილისის ყოფილი მერი გიგი უგულავა "ფეისბუქში" სტატუსს აქვეყნებს და ადასტურებს, რომ მეუღლეს გაშორდა. უგულავა აღნიშნავს, რომ პირად ცხოვრებაზე საუბარი არ სჩვევია, მაგრამ ამჯერად გამონაკლისს უშვებს, რათა თავიდან აიცილონ ბულვარული მითქმა-მოთქმა. 

14 იანვარს, გვიან ღამით, ფოთში, რაიონული პროკურორის ალექსანდრე გოგუაძის ავტომანქანას მაშინ ესროლეს, როცა პროკურორი აკაკის ქუჩაზე გადაადგილდებოდა. უცნობმა პირმა მანქანის მისამართით, სავარაუდოდ, ოთხჯერ გაისროლა. სროლის შედეგად არავინ დაშავებულა.

"ვოისის" არაბულ ვერსიაში დიდი ფურორი გამოიწვია 9 წლის სირიელი გოგონას ჯინა ბოუ ჰადმანის გამოსვლამ სცენაზე. მან ცნობილი სიმღერა: "დაგვიბრუნეთ ბავშვობა, დაგვიბრუნეთ მშვიდობა" შეასრულა, თუმცა, სიმღერის გაგრძელება მოწოლილი ცრემლების გამო ვერ შეძლო.

ვერძი: - მოერიდეთ ახალი საქმეების დაწყებას, კანონის დარღვევას. გაფრთხილდით, ტრავმული დღეა.