„აშშ-მ და მთელმა მსოფლიომ უკრაინის ტერიტორიული მთლიანობის შესანარჩუნებლად უნდა იბრძოლოს“,- ამის შესახებ კომენტარს სენატორი ჯონ მაკკეინი აკეთებს.

„ევრომაიდანის“ სამედიცინო პერსონალის ინფორმაციით, დღეს კიევში 100-მდე ადამიანი მოკლეს. ამის შესახებ ცნობას „მაიდანის“ სამედიცინო მომსახურების კოორდინატორი ოლეგ მუსი „უკრაინსკაია პრავდასთან“ საუბრისას ავრცელებს.

უკრაინის შინაგან საქმეთა მინისტრმა ვასილი ზახარჩენკომ საბრძოლო იარაღის გამოყენების ბრძანებას ხელი მოაწერა.

„ევრომაიდნის“ აქტივისტებს სავარაუდოდ 70-მდე სამართალდამცავი მძევლად ჰყავთ აყვანილი. ამის შესახებ ინფორმაციას უკრაინის შინაგან საქმეთა სამინისტრო ავრცელებს.

საქართველოს პრეზიდენტი, გიორგი მარგველაშვილი ხვალ 14:00 საათზე უმაღლეს საკანონმდებლო ორგანოში სიტყვით წარსდგება.

ფოტოებთან დაკავშირებით, სადაც პრეზიდენტის ავლაბრის რეზიდენციის ეზოში სკეიტბორდებით მოსეირნე და დარბაზში, ტრიბუნასთან მდგარი პირები არიან გამოსახული, „აფხაზეთის ხმა“ კომენტარისთვის პრეზიდენტის ადმინისტრაციის ყოფილ ხელმძღვანელს ირმა ნადირაშვილს დაუკავშირდა.

საქართველოს პრეზიდენტის ავლაბრის რეზიდენციას, რომლისთვისაც ოფიციალურად სახელი ჯერ არ გადაურქმევიათ, დღის განმავლობაში სხვადასხვა პირები სტუმრობენ. მათგან ზოგი მსგავსი დაწესებულებისთვის არაადეკვატური ქცევით გამოირჩევა.

კიევის მერმა მაკეენკომ მიიღო გადაწყვეტილება, მმართველი პარტია "რეგინები" დაეტოვებინა.

მან, ასევე, გასცა ბრძანება, გაეხსნათ კიევის ცენტრში დაკეტილი მეტროს სადგურები.

კიევში მიმდინარე მოვლენების შედეგად დაღუპულთა რაოდენობა ოფიციალური მონაცემებით 35-მდე გაიზარდა. ამის შესახებ უკრაინული მედია, უკრაინის ჯანდაცვის სამინისტროზე დაყრდნობით იუწყება.

საქართველოს პრეზიდენტი (20004–2013) მიხეილ სააკაშვილი აცხადებს, რომ ის, რაც ახლა კიევში ხდება, შიდაუკრაინული პრობლემა არ არის.