2014-03-02 04:21

2 მარტს, კიევის დროით 08:00 საათზე უკრაინის მასშტაბით საყოველთაო მობილიზაცია ცხადდება.

ამის შესახებ უკრაინის უშიშროებისა და თავდაცვის საბჭოს მდივანი ანდრეი პარუბი „ფეისბუქის“ საკუთარ გვერდზე წერს.

„ახლახან დარეკეს ჩემს თანაშემწესთან სამხედრო კომისარიატიდან ბრძანებით გამოცხადდეს კომისარიატში 08:00 საათზე. საბჭოს გადაწყვეტილებით მობილიზაცია მთელი ქვეყნის მასშტაბით იწყება“, – წერს პარუბი.

ამასთან, უკრაინული მედია იტყობინება, რომ კიევში და უკრაინის სხვა ქალქებში კომისარიატებთან უკვე რიგებია – მოქალაქეები, ვისთვისაც ცნობილი გახდა მობილიზაციის შესახებ, თავიანთი სურვილით მიდიან სამხედრო კომისარიატებთან და როგორც მედია აღნიშნავს, ბევრს ტელეფონზე სწორედ მაშინ დაურეკეს კომისარიატში გამოცხადების ბრძანებით, როცა ისინი უკვე კომისარიატთან ცოცხალ რიგში იდგნენ.