2014-03-02 03:19

სენატორები ჯონ მაკკეინი, მარკო რუბიო და კირკ უოტსონი საქართველოს მესამე პრეზიდენტს (2004–2013) მიხეილ სააკაშვილს დაუკავშირდნენ და უკრაინის მოვლენებთან დაკავშირებით რჩევა სთხოვეს.

ამის შესახებ ინფორმაცია, ზემოთხსენებულ სენატორთა ფოტოებით, მიხეილ სააკაშვილის გვერდზე „ფეისბუქში“ გამოქვეყნდა.

ინფორმაციაში აღნიშნულია, რომ სენატორები მიხეილ სააკაშვილს თავიანთი ინიციატივით დაუკავშირდნენ:

"პოლიტიკური სპექტრის მობილიზაცია უკრაინაში არსებულ ვითარებასთან დაკავშირებით

რამდენიმე წუთის წინ მიხეილ სააკაშვილს მათივე ინიციატივით დაუკავშირდნენ სენატორი ჯონ მაკკეინი, სენატორი მარკო რუბიო და სენატორი კირკ უოტსონი და მას თხოვეს რჩევები და მოსაზრებები უკრაინაში მიმდინარე მოვლენებთან დაკავშირებით.

სენატორმა მარკო რუბიომ საუბრისას აღნიშნა, რომ იგი სრულად იზიარებს მიხეილ სააკაშვილის მიერ ტელეკომპანია CNN-ის ეთერში გაკეთებულ შეფასებებს. 

საუბარი ასევე შედგა წარმომადგენელთა პალატის 4 კონგრესმენთან.

შეგახსენებთ, რომ დღეს თეთრ სახლში უკრაინის მოვლენებთან დაკავშირებით საგანგებო თათბირი გაიმართა, რომელშიც პრეზიდენტი, თავდაცვის მინისტრი, გენშტაბის ხელმძღვანელი და ცსს (ცენტრალური სადაზვერვო სამმართველო)–ს დირექტორი მონაწილეობდნენ.

არაოფიციალური ინფორმაციით, თათბირს სხვა თანამდებობის პირებიც უნდა შეუერთდნენ.

ამასთან, საქართველოს მესამე პრეზიდენტმა „ფეისბუქის“ საკუთარ გვერდზე გარეყდის ფოტო შეცვალა, მასზე საქართველოსა და უკრაინის დროშები, წარწერა 2008, სსრ კავშირის სიმბოლო განათავსა და უკრაინულად დააწერა: „ჩვენ ერთად გავიმარჯვებთ!“.