თერჯოლის რაიონში მომხდარი ყაჩაღობის შესახებ ინფორმაციას "მოამვე" ავრცელებს. "საზოგადოებრივი მაუწყებლის" ცნობით, დაყაჩაღებულია ადვოკატ მზია დოღონაძის ოჯახი. 

თბილისში, ბალანჩივაძის ქუჩაზე მინდია გოგოჭური ცეცხლსასროლი იარაღით დაჭრეს. დაზარალებული რესპუბლიკურ საავადმყოფოშია გადაყვანილი. მისი მდგომარეობა სტაბილურია. მინდია გოგოჭური საქართველოს პრეზიდენტის სიძეა.

ცემასა და იარაღით მუქარაში ადანაშაულებს ბორჯომის პოლიციის წარმომადგენლებს ჟურნალისტი გიორგი გასვიანი, რომელიც აცხადებს, რომ ყველაფერთან ერთად, უკანონოდ დააკავეს და პოლიციაში ოთხსაათიანი დაკითხვა მოუწყვეს. 

თბილისის ცენტრში, დოლიძის ქუჩის მიმდებარედ, ზაურ ბოლქვაძის ქუჩაზე, მამაკაცის ცხედარი იპოვეს, რომელიც დანაწევრებულია და ჩანთაშია ჩადებული. მოკლული, სავარაუდოდ, მამაკაცია. 

შსს-მ თბილისში მომხდარი რიტუალური მკვლელობის დეტალები გაასაჯაროვა. როგორც უწყებაში გამართულ ბრიფინგზე გახდა ცნობილი, 18 წლის გოგონა ორ მეგობართან ერთად მკვლელობაშია ბრალდებული: გამოძიების ვერსიით, მან დედამისი ელექტროშოკით გათიშა, შემდეგ კი ახალგაზრდებმა ქალი გაგუდეს და დანის დარტყმით მოკლეს.

15 წლის მოზარდი, რომელსაც დანით ჭრილობა გულმკერდში მიაყენეს, კლინიკა მედ ჯორჯიაში გარდაიცვალა - სამსაათიანი ოპერაციის მიუხედავად, მისი გადარჩენა ვერ მოხერხდა.

განახლებულია 10:36:32 - პოლიციელი, რომელიც 22 წლის დემურ სტურუას თვითმკვლელობამდე მიყვანის გამოძიებაში ფიგურირებს, სამსახურებრივი მანქანით გადაადგილდება, რაც გარდაცვლილი ახალგაზრდის ოჯახის წევრებისა და მეზობლების უკმაყოფილებას იწვევს. ამის შესახებ "ქუთაისი თუდეი" წერს, თუმცა, ინფორმაციას კატეგორიულად უარყოფენ შსს-ში.

ზუგდიდში შსს-მ სამეგრელო-ზემო სვანეთის პოლიციის კრიმინალური დეპარტამენტის უფროსი ზ.ს. დააკავა - ინფორმაცია შსს-ს ჯერ არ გაუვრცელებია, თუმცა, ელისო კილაძის გავრცელებული ცნობა "აფხაზეთის ხმას" ზუგდიდში დაუდასტურეს. 

თურქეთში, ქილერმა ცნობილ კრიმინალურ ავტორიტეტ როვშან ჯანიევს, იგივე "როვშან ლენქორანსკის" ავტომატიდან ესროლა და მოკლა. ინფორმაციას თურქული მედია ავრცელებს. ვრცელდება ასევე ვიდეო და ფოტომასალა თავდასხმის ადგილიდან. 

თბილისში, ნაძალადევის რაიონში, ე.წ. ქავთარაძის ბაღში დაწყებულ ეკლესიის მშენებლობას რუსეთში მყოფი „კანონიერი ქურდი“ თამაზ კოროშინაძე ეწინააღმდეგება, რადგან ეკლესია მისი შემოწირულობითა და მის მიერ ლობირებული პროექტით არ შენდება.