Слава Украине! Героям слава! - ამ მოწოდებით პასუხობენ "სუხიშვილები" რუსეთის მიერ ანექსირებულ ყირიმის ნახევარკუნძულზე, სიმფეროპოლსა და სევასტოპოლში საგასტროლოდ მიწვევას, სადაც კონცერტებს 2014 წლამდე რეგულარულად მართავდნენ. 

ბრაზილიელი ონკოლოგი პაოლო უბირატანი, რომელსაც კონსულტაციისთვის მთელი მსოფლიოდან აკითხავენ, ამბობს, რომ სიარული და სპორტი, ზოგადად, ჯანმრთელობისთვის სასარგებლოა, მაგრამ მხოლოდ მოყვარულის დონეზე. მასთან ინტერვიუს ქართულ ვერსიას ეურუს.ჯი აქვეყნებს.

სატყეო ინჟინერი ვალტერ ბენეკენდორფი, რომელმაც 2008 წელს რუსი ოკუპანტების მიერ გადამწვარ ბორჯომის ხეობაში იმუშავა, "კურიერთან" საუბარში ამბობს, რომ წელს უფრო მეტი ფართობია დამწვარი, ვიდრე 2008 წელს. მისი ვარაუდით, ცეცხლი ბორჯომის ტყეების 1000 ჰექტარზე გავრცელდა. 

ცენტრალური საარჩევნო კომისიის ცნობით, 2017 წლის 30 აგვისტოს დასრულდა საუბნო საარჩევნო კომისიის წევრთა კონკურსი. 73 საარჩევნო ოლქის 3635 საარჩევნო უბანზე არსებულ 21 810 ვაკანტურ ადგილზე სულ შევიდა 28 666 კონკურსანტის განცხადება.

საქართველოს სხვადასხვა რეგიონებში, განსაკუთრებით დაცულ ტერიტორიებზე, წიწვოვან და ფოთლოვან ტყეებში, ასევე საოკუპაციო ზოლის სიახლოვეს გაჩენილმა არაერთმა ხანძარმა, მით უმეტეს იმ ფონზე, როცა თვითგამნოცხადებული სამხრეთ ოსეთის ხელისუფლებამ ხანძარსაწინააღმდეგო ხნულებით წინასწარ დაიზღვია თავი, წარმოშვა ვერსია, რომ რუსეთის სპეცსამსახურების დავალებით, ხანძრებს ხელოვნურად აჩენენ ან რუსეთიდან ტურისტებად შემოსული სპეცთანამშრომლები, ან ადგილზე მოსყიდული მოქალაქეები. 

ყინწვისში, წმინდა ნიკოლოზის სახელობის ეკლესიის სიახლოვეს ახალი სამონასტრო კომპლექსი შენდება და კომპლექსში რუსული სტილის ეკლესიაც შედის. ნიკა ვაჩეიშვილი წერს, რომ ყინწვისში არსებული ვითარება ადგილზე შეისწავლა. მის სტატუსს ისტორიის დოქტორანტისა და თეოლოგიის მაგისტრის ლაშა დეისაძე-შარვაშიძის შეპასუხება მოჰყვა. 

რუსეთის საგარეო საქმეთა სამინისტროს წარმომადგენელი მარია ზახაროვა "კურიერთან" ექსკლუზიურ ინტერვიუში ადასტურებს, რომ ბორჯომის ხეობაში ხანძრის ჩასაქრობად დახმარების თხოვნა რუსეთმა საქართველოსგან ოფიციალურად, 23 აგვისტოს მიიღო. 

ღვთისმშობლის კვართის ხობის მონასტერში გადასვენების პერსპექტივაზე უკმაყოფილობის გამოთქმის შემდეგ ზუგდიდელი მრევლი და ზუგდიდისა და ცაიშის ეპისკოპოსი ათონის მთაზე კვართის დროებით გადატანაზეც უარს ამბობენ : მარიამობის დღესასწაულზე კვართი ზუგდიდში დარჩება.

ცენტრალური საარჩევნო კომისია აცხადებს, რომ საოლქო საარჩევნო კომისიების დროებითი წევრების არჩევის პროცესი წარიმართა ღიად და გამჭვირვალედ.

საქართველოში აშშ-ის საელჩო ქართველ მეხანძრე-მაშველებს 500 წყვილ ცეცხლგამძლე ფეხსაცმელს გადასცემს.