კარგად ვაცნობიერებთ, რომ შეზღუდვები უნდა იყოს სიტუაციის პროპორციული. სწორედ ლეგიტიმურობა და პროპორციულობა იყო ის მთავარი პრინციპები, რომლითაც ჩვენ ვხელმძღვანელობდით, როდესაც საქართველოს პრეზიდენტს მივმართეთ საგანგებო მდგომარეობის გამოცხადების წინადადებით, - ამის შესახებ მთავრობის ადმინისტრაციის უფროსმა, ნათია მეზვრიშვილმა, პარლამენტის საგანგებო სხდომაზე განაცხადა, სადაც დეპუტატები საგანგებო მდგომარეობის 22 მაისის ჩათვლით გახანგრძლივებას უყრიან კენჭს.

კრიტიკა ძალიან ადვილია, მაგრამ საქმის კეთება არის რთული. ერთი "საქმე", რაც მე ვნახე თქვენი გაკეთებული, ეს იყო ზუგდიდში პირბადეების დარიგება, რომელსაც ლამის დიდი გართულება მოჰყვა ქვეყანაში ეპიდემიის გავრცელების თვალსაზრისით, - ასე მიმართა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარემ სოფიო კილაძემ საპარლამენტო ოპოზიციას. მისივე თქმით, სჯობს ოპოზიციამ საუბრის ნაცვლად რაიმე ქმედითი გააკეთოს, რითიც მოქალაქეებს სიკეთეს მოუტანს.

ვიხილეთ ივანიშვილების ოჯახის გამამხნევებელი ჰაკა, ჰიპ-ჰოპის თუ რეპის სტილში, მაგრამ, ვფიქრობ, რომ საზოგადოებას ბევრად მეტი სჭირდება, - ამის შესახებ „ნაციონალური მოძრაობის“ წევრმა, სალომე სამადაშვილმა პარლამენტის პლენარულ სხდომაზე განაცხადა.

საგანგებო მდგომარეობის ფარგლებში, მოქალაქეებისთვის ამოქმედებული სატელეფონო ცხელი ხაზი - 144 ზარების გადაჭარბებული რაოდენობის გამო გადატვირთულია. როგორც ჯანდაცვის სამინისტროში განმარტეს, ცხელ ხაზზე მოქალაქეების დიდი რაოდენობა რეკავს და აქედან გამომდინარე, დიდხანს უწევთ მოლოდინის რეჟიმში ყოფნა. მათივე ინფორმაციით, მთავრობა მუშაობს აღნიშნული პრობლების აღმოფხვრისათვის.

ყინწვისის მონასტერში სასულიერო პირებს შორის დაპირისპირება მოხდა. არსებული ინფორმაციით, მონასტრის სასულიერო პირმა, მამა დავითმა ცეცხლსასროლი იარაღი ასევე ერთ-ერთი სასულიერო პირის წინააღმდეგ გამოიყენა, თუმცა, შემთხვევის შედეგად არავინ დაშავებულა. შინაგან საქმეთა სამინისტროში აცხადებენ, რომ მომხდართან დაკავშირებით არავინ დაუკავებიათ.

თვითკმაყოფილებას არ უნდა მივეცეთ; მოდუნება არ შეიძლება, პირიქით, ყველამ ვიცით, რომ დაწყებული შიდა გავრცელება სიტუაციის დამძიმებას გამოიწვევს, - ამის შესახებ საქართველოს პრეზიდენტმა, სალომე ზურაბიშვილმა პარლამენტის საგანგებო სესიის პლენარული სხდომაზე განაცხადა, სადაც კორონავირუსის გამო საგანგებო მდგომარეობის გახანგრძლივების საკითხზე უნდა იმსჯელონ.

>>>

ფრაქცია „დამოუკიდებელი დეპუტატების“ წევრი ლევან გოგიჩაიშვილი აცხადებს, რომ საგანგებო მდგომარეობის გაგრძელებას მხარს დაუჭერს. ამასთან, როგორც გოგიჩაიშვილმა პარლამენტის ბიუროს სხდომაზე განაცხადა, უპასუხისმგებლობაა, რომ პარლამენტში მთავრობის წარმომადგენლები არ არიან და არსებულ კითხვებს არ პასუხობენ.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის, ლალი ტურძელაძის განცხადებით, კლინიკაში კორონავირუსით ინფიცირებული 3 ახალი პაციენტი შეიყვანეს, რომლებიც ერთი ოჯახის წევრები არიან.

ეს ერთი თვე ვნახეთ სრულიად გაუაზრებელი მოქმედებები, ლეგიტიმური მიზეზის გამო, მაგრამ აბსურდული შეზღუდვები, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ საგანგებო მდგომარეობაზე საუბრისას განაცხადა.