2014-07-01 11:01

საფრანგეთის ყოფილი პრეზიდენტი ნიკოლა სარკოზი დაკავებულია, - ამის შესახებ BBC იუწყება. დაკავების მომენტში სარკოზი პოლიციაში იმყოფებოდა, სადაც ჩვენების მისაცემად იყო დაბარებული.

სხვადასხვა წყაროების მიხედვით, სარკოზი სწორედ ჩვენების მიცემის მიზნით დააკავეს, რადგან ის ამას ნებაყოფლობით არ აკეთებდა. გამოძიებას ქვეყნის ყოფილი ლიდერის დაკავების უფლება მხოლოდ 24 საათის განმავლობაში აქვს. "ფრანს პრესის" ინფორმაციით, სარკოზი ჩვენებას აძლევს საქმეზე, რომლის ფარგლებშიც გამოძიება კორუფციის თაობაზე მიმდინარეობს.