2025-07-18 16:45

   ნოსტეს ბრენდის მფლობელი კომპანია შპს „ჯი პი პი“ - 23 ივლისს, 12 საათზე ვაკეში, ჭავჭავაძის გამზ. 62 ნომერში (ბერძენიშვილის ქუჩის მხრიდან) „ნოსტე აგრო“-ს კიდევ ერთ ფილიალს გახსნის. ფილიალის გახსნას დაესწრება კომპანიის მენეჯმენტი და პარტნიორი კომპანიების წარმომადგენლები.

„ნოსტე აგრო“-ში მოსულ მომხმარებელს დახვდება ხორცპროდუქტების და სურსათის გამორჩეული ინტერიერის მქონე, კონცეპტუალური სივრცე რომელის მერჩენდაიზინგიც შექმნილია მოტივებით, რომ მომხამრებლისთვის ყოველდღიური სურსათის შეძენის პროცესი აქციოს სასიამოვნო გამოცდილებად.

ახალი ფილიალის გახსნასთან დაკავშირებით, პირველ 20 იღბლიან მომხმარებელს, ნოსტეს ხორცპროდუქტების შეძენისას საჩუქრად გადაეცემათ 50₾-იანი სასაჩუქრე ვაუჩერი. აღნიშნულ ფილიალში მომხმარებელს შეეძლება შეიძინოს ყოველდღიურად ახალი ქათმის/ღორის/ძროხის ხორცპროდუქტების, გაყინული ზღვის პროდუქტები და თევზეული, რძის ნაწარმი, კვერცხი, ბურღულეული, საწებლები, კონსერვები, ქართული სუნელები, მინერალური სასმელები, პურ-ფუნთუშეული, სხვა. 

კომპანიამ „ჯი პი პი“-მ ქართული ქათმის ხორცპროდუქტების წარმოება 2019 წელს კასპში - სოფელ ნოსტეში დაიწყო, რასაც დაუკავშირა სავაჭრო ნიშნის დასახელება „ნოსტე“. ნოსტეს მეფრინველეობის საწარმოები ქ. კასპში 50 ჰექტარზეა განლაგებული, ხუთ სხვადასხვა ლოკაციაზე,სადაც ბროილერის ჯიშის მეხორცული ქათმები იზრდება. კომპანია საქართველოში ერთ-ერთი ყველაზე მსხვილ და კომპლექსურ საწარმოებს ფლობს, რომელიც წარმოების სრულ ციკლს ახორციელებს. საწარმოები სრულად აღჭურვილია ავტომატიზებული დანადგარებით, რაც უზრუნველყოფს ფრინველის ზრდისთვის საჭირო სუფთა და ჯანსაღ გარემოს. მეურნეობის ინფრასტრუქტურა მოწყობილია მსოფლიოს წამყვანი ბრენდების თანამედროვე მანქანა-დანადგარებით, შედეგად წარმოების ყველა პროცესი ხორციელდება მოდერნიზებული მეთოდებით.