2014-06-30 14:08

გიგი უგულავას ახალი ბრალი წარედგინება,-ამის შესახებ ფინანსთა სამინისტროს საგამოძიებო სამსახურის სპეციალურ ბრიფინგზე გახდა ცნობილი.

 ფინანსთა სამინისტროს საგამოძიებო სამსახურმა სისხლის სამართლის პასუხისგებაში მისცა გიგი უგულავა, კომპანია „სითი პარკისთვის“ არამართლზომიერი უპირატესობის მინიჭების გამო.

უწყების ინფორმაციით, გიგი უგულავამ თანამდებობის გამოყენებითა და კანონის გვერდის ავლით მიანიჭა უპირატესობა კომპანია „სითი პარკს“, რის შედეგადაც ბიუჯეტმა, საერთო ჯამში, 1 086 718 ლარი იზარალა.

მათივე ინფორმაციით, საგზაო მოძრაობის წესების დარღვევის დროს გადახდილი ჯარიმის ნაწილი გადაირიცხა სახელმწიფო ბიუჯეტის ნაცვლად სითი პარკის ანგარიშზე.

გამოძიება უგულავას ,,სითი პარკის“ სასარგებლოდ სხვა ფინანსურ გარიგებებშიც სდებს ბრალს.

გამოძიება მიმდინარეობს საქართველოს სისხლის სამართლის კოდექსისი 182-ე მუხლის მე-2 და მე-3 ნაწილით ,რაც ითვალისწინებს 7-დან 11 წლამდე თავისუფლების აღკვეთას.

ამჟამად გიგი უგულავას დაკითხვა გრძელდება, მისთვის აღმკვეთი ღონისძიების შეფარდება კი პროკურატურის პრეროგატივაა.