ირაკლი ღარიბაშვილს რა გამოცდილება აქვს, გარდა ბიძინა ივანიშვილის ფიქრებისა და გრძნობების ამოცნობისა?,
- კითხულობს შალვა ნათელაშვილი გადაცემაში „დიდი პოლიტიკა“ და ირაკლი ღარიბაშვილს „ივანიშვილის ხელის ბიჭს“ უწოდებს.
„მაშინ, როცა მე ბიძინა ივანიშვილთან დაკავშირება მინდოდა, 2010 წელს, გავიკითხე და მითხრეს, ამას უნდა დაურეკო, ღარიბაშვილსო. მართლა დავურეკე და ვუთხარი, ესა და ეს ვარ და ბიძინასთან მინდა დალაპარაკება-მეთქი და იცით, რა მკითხა? რა საკითხზე გნებავთ საუბარიო... მე ვუთხარი, რომ როცა გაიგებთ, რა საკითხზე მინდოდა საუბარი, უკვე გვიანი იქნება შენთვისაც და ბიძინასთვისაც-მეთქი და ეს მე ავუსრულე მაგათ“, - ამბობს შალვა ნათელაშვილი.
ლეიბორისტთა ლიდერის თქმით, მისი ოცწლიანი პოლიტიკური საქმიანობა მხოლოდ იმად ღირდა, რაც გუშინ რუსთაველზე მოხდა:
„რამდენიმე ათასმა კაცმა რუსთაველის მეტროდან პარლამენტის შენობამდე მარშით გაიარა მანძილი, მიიჭრა წითელ ხალიჩასთან და გაყალბებული ოქმები პირდაპირ შეაყარა ამ მთავრობას და მის პრეზიდენტს. და ის უცხოელი ჟურნალისტები, ვინც მოსული იყვნენ ინაუგურაციის გასაშუქებლად, ჯერ იღებდნენ ამას და მერე იღებდნენ ინაუგურაციას“, - აღნიშნა შალვა ნათელაშვილმა.
