„კარაქის ნაცვლად სპრედით წალენჯიხის ბაღების მომარაგების გამო, სკოლამდელი აღზრდის ცენტრის დირექტორმაც პასუხი უნდა აგოს“

Image

ადვოკატ ონისე მებონიას აზრით, უმაღლესი ხარისხის კარაქის ნაცვლად, იაფფასიანი მცენარეული ცხიმებისაგან დამზადებული სპრედით წალენჯიხის ბაღების მომარაგების გამო, სკოლამდელი აღზრდის ცენტრის დირექტორის ნატო კვარაცხელიას პასუხისმგებლობის საკითხიც უნდა დადგეს.

 

საქმე იმაშია, რომ მიმდინარე წლის 13 აპრილს, საქართველოს ფინანსთა სამინისტროს საგამოძიებო სამსახურმა, ყალბი საგადასახადო დოკუმენტების დამზადება - გამოყენებისა და თაღლითობის ჩადენის ფაქტზე, სისხლის სამართლის პასუხისგებაში მისცა ორი ინდივიდუალური მეწარმე, რომლებმაც შემოსავლის გაზრდისა და დანახარჯის შემცირების მიზნით, წალენჯიხის მუნიციპალიტეტის ათეულობით საბავშვო ბაგა - ბაღს უმაღლესი ხარისხის კარაქის ნაცვლად, ეტაპობრივად მიაწოდეს იაფფასიანი მცენარეული ცხიმებისაგან დამზადებული სპრედი, რა გზითაც, მოტყუებით დაეუფლნენ წალენჯიხის მუნიციპალიტეტის სკოლამდელი აღზრდის ცენტრის კუთვნილ, დიდი ოდენობით თანხებს.

 

ადვოკატი ონისე მებონია, რომელიც ამავდროულად, წალენჯიხის ერთ-ერთი ბაღის აღსაზრდელის ბიძაა, საქმის სრულ და ობიექტურ გამოძიებას მოითხოვს.

 

„სრულიად შემთხვევით ჩემთვის ცნობილი გახდა, რომ წალენჯიხის ბაღებში ჩვენს მცირეწლოვან შვილებს მინიმუმ 2 წლის მანძილზე კარაქის ნაცვლად ფალსიფიცირებულ, ჯანმრთელობისთვის მავნე პროდუქტს აჭმევდნენ. გამოძიება წარმართული იქნა მხოლოდ სხელმწიფოსთვის მატერიალური ზიანის მიყენების კუთხით და განაჩენით პასუხისგებაში იქნა მიცემული ტენდერში გამარჯვებული მომმარაგებელი პირები (4 წელი პირობითი მსჯავრი). საქმე მაქსიმალურად დახურულ რეჟიმში, კულუარულად, საზოგადოებისთვის მალულად იქნა წარმართული.

 

არადა საქმე მცირეწლოვანი ბავშვების კვებას და ჯანმრთელობას შეეხებოდა. სამწუხაროდ, გამოძიება არ დაინტერესებულა ბავშვების ჯანმრთელობისთვის მიყენებული შესაძლო ზიანის ან ასეთი ზიანის საფრთხის გარემოებებით, არ გამოკვლეულა აღნიშნული პროდუქტის ზეგავლენა ბავშვების ჯანმრთელობაზე და ბავშვები და მათი მშობლები არავის მიუჩნევია დაზარალებულად“, - განმარტავს მებონია.

 

მისივე თქმით, აღსანიშნავია, რომ სკოლამდელი აღზრდის ცენტრის დირექტორი ქალბატონი ნატო კვარაცხელია დაკავებულ თანამდებობას დღემდე იკავებს და მის მიმართ არათუ სისხლის სამართლებრივი, დისციპლინური პასუხისმგებლობის საკითხიც კი არ დამდგარა.

 

„ჩემი ძმიშვილი სწორედ წალენჯიხის ერთ-ერთი ბაღის აღსაზრდელია და მშობლის პოზიციიდან მოვითხოვ ამ საქმის სრულ და ობიექტურ გამოძიებას და შესაბამისი პირების ყველა დონის პასუხისგებაში მიცემას. ამასთან, წალენჯიხის ბაღების სააგენტოსგან მოვითხოვ ბაღების აღსაზრდელთა მშობლებს მიაწოდოს ზუსტი ინფორმაცია იმის შესახებ თუ რას აჭმევდა ჩვენს შვილებს და რა გავლენა შეიძლება იქონიოს ამ პროდუქტმა ბავშვების ჯანმრთელობაზე.

 

სათანადო ზომების დაუყოვნებლივ მიუღებლობის შემთხვევაში გამოძიების დაწყების მოთხოვნით მშობელთა გაერთიანება მიმართავს საქართველოს მთავარ პროკურატურას“, - აცხადებს ონისე მებონია.

რედაქტორის რჩევით

საახალწლო ფილმების TOP 5 - ეული, რომლებიც სადღესასწაულო განწყობას შეგიქმნით

2021-12-15 17:30
დეკემბრის თვე დადგა და შესაბამისად ახალ წელს ვუახლოვდებით. ეს კი იმას ნიშნავს, რომ საახალწლო...

რომელი ქართველი ვარსკვლავის შვილია გოგონა, რომელიც ჰოლივუდის მსახიობ - ენ ჰეთეუეის ძალიან ჰგავს

2021-12-06 13:43
ბოლო დროს, ტაბლოიდები აქტიურად ალაპარაკდნენ მომღერალ, ნინო ჩხეიძის ქალიშვილის - მარიამისა და...

"საქართველოს მოსახლეობის 60% უკვე კოვიდგადატანილია" - გიორგი ფხაკაძე საგანგაშო კვლევის შესახებ საუბრობს

2021-11-15 15:22
ჯანდაცვის ექსპერტი, გიორგი ფხაკაძე სოციალურ ქსელში საგანგაშო კვლევის შესახებ საუბრობს და...

"მოითხოვეთ პირდაპირი ეთერი" - ნანუკა ჟორჟოლიანი მმართველი პარტიის მხარდამჭერებს მიმართავს

2021-11-15 15:01
ჟურნალისტი, ნანუკა ჟორჟოლიანი მხარდაჭერას უცხადებს მიხეილ სააკაშვილს და სოციალურ ქსელშიც აქტიურად...
რჩეული ვიდეოები

ნინო ჩხეიძისა და ზურა ბარბაქაძის ახალი კოლაბორაცია - „წყაროზე“

2021-11-16 13:59
10 წლის შემდეგ, მომღერლების, ნინო ჩხეიძისა და ზურა ბარბაქაძის მუსიკალური დუეტი განახლდა გელა...

CHANEL - ის 2021 წლის გაზაფხულის ჩვენება (ფოტო,ვიდეო)

2021-03-12 14:06
CHANEL - ის 2021 წლის გაზაფხულის ჩვენება

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

გამოკითხვა

helper DB function reports no errors

უნდა მოიხსნას თუ არა, პირბადის ტარების რეგულაცია საზოგადოებრივ ტრანსპორტში?

ხმების რაოდნობა:
ხმის მიცემა შეწყვეტილია !