2013-11-13 13:14

ჩემს სიტყვას, ჩემს პოზიციას ამ შემთხვევაში რაიმე მნიშვნელობა რომ ჰქონდეს, პირადად მე, ოლიმპიადაზე არ წავიდოდი, - აცხადებს გაზეთ "პრემიერისთვის" მიცემულ ინტერვიუში პოეტი თამაზ ჭილაძე.

პოეტი აღნიშნავს, რომ მისი პოზიცია ემოციური და სუბიექტური საქციელი იქნებოდა. "ამიტომ ვფიქრობ, იქნებ აჯობებს, დაველოდოთ უმრავლესობის გადაწყვეტილებას".

"მე პოლიტიკოსი არა ვარ, ჩვენს უკიდურესად პოლიტიზებულ გარემოში ღმერთმა დამიფარა ამისგან. თუმცა ერთი რამ კი მწამს - დღევანდელ დღეს მწერლობა, საერთოდ კულტურა უნდა იქცეს ჩვენს დიდ პოლიტიკად, ერთ-ერთ არსებით, აქტუალურ სახელმწიფოებრივ პრიორიტეტად", - აცხადებს ჭილაძე.