"ზონანიუსის" მიერ გავრცელებული ინფორმაციით, ბათუმში, პოლიციის დღესთან დაკავშირებული საზეიმო ღონისძიების მსვლელობისას აღლუმის მწკრივში მდგარი პატრულ-ინსპექტორი მოულოდნელად გარდაიცვალა.
გამოცემა წერს, რომ სავარაუდოდ, რ. დევაძემ მზის დაკვრა მიიღო. ის ცუდად გახდა და ჩაიკეცა, დახმარების მცდელობა კი უშედეგო აღმოჩნდა. გამოცემა გარდაცვლილის ოჯახის წევრებზე დაყრდნობით წერს, რომ პატრულ-ინსპექტორი აღლუმზე პირდაპირ მორიგეობიდან გაიძახეს, ხოლო მზეზე დგომამ გადაღლილ პოლიციელზე უარყოფითად იმოქმედა.
"აფხაზეთის ხმა" ინფორმაციის გადასამოწმებლად შსს-ს პრესსამსახურს 31 მაისს, დილით დაუკავშირდა, სადაც დაადასტურეს პატრულ-ინსპექტორის გარდაცვალების ფაქტი, თუმცა, აცხადებენ, რომ რ. დევაძე სამსახურებრივი მოვალეობის შესრულებისას გარდაიცვალა და პოლიციის დღესთან დაკავშირებულ ღონისძიებაზე არ ყოფილა, შესაბამისად, არც მწკრივში მდგარა.