შსს-ს პრესსამსახურში "აფხაზეთის ხმას" განუცხადეს, რომ ბათუმში 30 მაისს პატრულ-ინსპექტორ რ.დევაძის გარდაცვალებას არა აქვს კავშირი პოლიციის დღის სადღესასწაულო ღონისძიებებთან და ის ჯანმრთელობასთან დაკავშირებული შემთხვევის შედეგად, სამსახურებრივი მოვალეობის შესრულების დროს (და არა აღლუმის მწკრივში) გარდაიცვალა.
შეგახსენებთ, რომ მედიის მიერ გავრცელებული ინფორმაციით, რ. დევაძე აღლუმზე პირდაპირ მორიგეობიდან გაიძახეს, გადაღლილმა კი მწკრივში ხანგრძლივი დგომის შემდეგ, სავარაუდოდ, მზის დაკვრა მიიღო. "სამწუხაროდ, მოხდა ჯანმრთელობის პრობლემასთან დაკავშირებული უბედური შემთხვევა, მაგრამ მას არანაირი კავშირი არა აქვს სადღესასწაულო ღონისძიებებთან", - უთხრეს "აფხაზეთის ხმას" შსს-ს პრესსამსახურში.