2014-09-30 09:39

 საპარლამენტო უმცირესობის წევრი გოგა ხაჩიძე, სოციალურ ქსელში ბიუჯეტის 100 მილიონით გარღვევის შესახებ წერს.

„გეტყვით რა იქნებოდა: მიშას ბოტებით ექნებოდა უკვე შემოვლილი გურიაც და აჭარაც.

ორივე რეგიონში მთავრობის საგანგებო სხდომა ჩატარდებოდა და კონკრეტული სამოქმედო გეგმა დაიდებოდა.

მთელი საქართველოდან მობილიზებული იქნებოდა ყველა საჭირო - თავისუფალი ტექნიკა. სარეზერვო ფონდიდან საჭირო თანხები გამოიყოფოდა და მოსახლეობას უკვე ეცოდინებოდა - რას უკეთებს ხელისუფლება.

ჰო, თუ ეს სტიქია არჩევნების წინ მოხდებოდა, კიდევ ერთი რამ იქნებოდა - შუშის სასახლიდან გადმოდგებოდა „მზეთუნახავი" და ოქროს სასახლეებს შეჰპირდებოდა დაზარალებულებს, ჩვეული კეკლუცობით.

ახლა სად ხარ, ბრძენო მილიარდერო?! გაიღე მოწყალება! 6 თვის მონაცემებით ბიუჯეტი 100 მილიონითაა გარღვეული.

პ.ს. ესენი კიდევ დავოსში წასვლაზე დასაჭმელად ემზადებიან“, - წერს ხაჩიძე „ფეისბუქის“ საკუთარ გვერდზე.