2014-09-26 18:04

უმცირესობის წევრის, გივი თარგამაძის განცხადებას, ქვეყანაში კანონიერი ქურდების შემოსვლის შესახებ, შსს-ს საზოგადოებასთან ურთიერთობის დეპარტამენტის უფროსი, ნინო გიორგობიანი სოციალურ ქსელში გამოეხმაურა.

მისი თქმით, ლექსო ლოგუა საქართველოში არ იმყოფება და ქვეყნის ტერიტორიაზე არც შემოსულა.

„რაც შეეხება ავთანდილ ლუტიძეს, ის  კანონიერი ქურდი არ არის,  ჩვეულებრივი მოქალაქეა, რომელიც შემოვიდა საქართველოში საკუთარი სახელითა და გვარით და ასევე დატოვა ქვეყნის ფარგლები“, - წერს ნინო გიორგობიანი.