2021-03-24 15:07

მომღერალი მაკა ზამბახიძე მალე ბებია გახდება. ეს ამბავი ცნობილი რამდენიმე დღის წინ გახდა. მომღერლის ერთადერთმა ქალიშვილმა სალომე ჩიტაძემ ბედი ირაკლი ცაბაძეს დაუკავშირა, წყვილმა კი ეს ინფორმაცია ცოტა ხნის წინ სოცილაური ქსელით გაამჟღავნა.

სალომე დედის პროფესიას გაჰყვა და ჯგუფ „ნონ სტოპის“ წევრია. მან ჟურნალ "თბილისელებთან" ინტერვიუს დროს აღნიშნა, რომ ორსულობის გაგების შემდეგ დედა ორმაგად შეუყვარდა.

ხოლო კითხვაზე ბავშვის სქესს გაამჟღავნებს თუ არა მან ასე უპასუხა:

"სიურპრიზად დავტოვებ. მხოლოდ მე და მამიკოს გვეცოდინება. ექოსკოპიაზე პირველი მაკა მორბის და ყოველი დილა მისი ზარით იწყება. როცა მაკას და მის ქმარს ვუყურებდი, სულ ვამბობდი, რომ ასეთი სიყვარული მინდა ვიპოვო-მეთქი და ამიხდა“, - ამბობს სალომე.

გოგონა აღნიშნავს იმასაც რომ მაკა კარგი სიდედრია და სიძესთან მეგობრული დამოკიდებულება აქვს.
"მაკა ძალიან ეგოისტია და მიკვირს, ჩემს ქმართან ასეთი მეგობრული დამოკიდებულება მალევე რომ დაამყარა და შეეგუა. მე და ირაკლი მარტო ვცხოვრობთ, თუმცა ჩემებთან ახლოს", - აღნიშნავს მაკას ქალიშვილი.