2021-03-22 14:55

მანამ სანამ ქალის გარდერობში წლევანდელ ტენდენციებს 1970-იანების მოსაცმელი მართავს, მამაკაცის მოდის კვირეულზე აქტიურად ამკვიდრებენ დიზაინერები ახალ ტრენდს: რეინკარნირებულ "ბომბერებს".

ეს ნივთი გარდერობში საკმაოდ დიდხანს იყო და პილოტის ფორმად ითვლებოდა, თავდაპირველად სწორედ ბეწვით გაწყობილი შემოვიდა მოდაში, შემდეგ კი ბეწვი ნეილონმა ჩაანაცვლა, რადგანაც მისი  წარმოება საკმაოდ ძვირი ჯდებოდა.

ამ მოდელის ინტერპრეტირება მოგვიანებით რიკ ოუენსმა და დემნა გვასალიამაც სცადა. კომფორტული სილუეტი და საინტერესო სტილი ბომბერს უპირობო ლიდერად აქცევს ქუჩის სტილში. ბელა ჰადიდი, ტიმოტი შალამე უკვე წლებია ბომბერების ერთგულ მომხმარებლებად რჩებიან.

მამაკაცის მოდის კვირეულზე დიზაინერებმა მამაკაცებს ექსპერიმენტებისკენ მოუწოდეს ფორმებითა და ყვავილებით: Сeline-მა ფერადი ნეილონის ბომბერები წარმოადგინა, Prada-მ კლასიკური მოდელის დემონსტრირება მოახდინა, ხოლო Alexander McQueen-მა აპლიკაციებით ამოქარგული კრისტალებიანი და მარგალიტებიანი ვარიაციები გააცნო საზოგადოებას.

Etro-ს ბომბერი ყვავილების თემით მოწინავეა, ხოლო Ermenegildo Zegna-მ იდეალური მოდელი მასიური ჯიბეებით წარმოადგინა.