-
2016-07-05 14:31
"მოგესალმებით, ხომ მყარად ზიხართ სკამზე, ალექსი?"- ასე დაიწყო ტვ "პირველის" პირდაპირ ეთერში ჩართვის დროს ალექსი პეტრიაშვილთან საუბარი ტელეწამყვანმა ინგა გრიგოლიამ. მან თავისუფალი დემოკრატების გენმდივანს ჰკითხა, რა აზრის იყო საპარლამენტო ასამბლეის პრეზიდენტად გიგი წერეთლის კანდიდატურის ჩავარდნაზე.
თავის მხრივ, ალექსი პეტრიაშვილმა ხუმრობაზე ხუმრობით უპასუხა და განაცხადა, რომ ის ყველანაირი ექსტრემალური პირობებისთვის მზად არის (შეგახსენებთ, ტვ "იმედის" პირდაპირ ეთერში სტუმრობისას პეტრიაშვილს სკამი ჩაუტყდა), ხოლო პოლიტიკური შინაარსის შეკითხვაზე აღნიშნა, რომ იმან, რაც საპარლამენტო ასამბლეაზე ხდებოდა, პირადად მას კორცხელის ინციდენტი მოაგონა.