საქართველოს პრემიერმინისტრი საქართველოს ევვროპული მიმართულების შესახებ საუბრობს. თეა სიჭინავას გადაცემა „პოლიტიკის დროში“ ირაკლი ღარიბაშვილმა მიუნჰენში მისი ვიზიტის შესახებ კომენტარი გააკეთა.
მისივე თქმით, საქართველოს ინტეგრაცია ევროპაში შეუქცევადი პროცესია და ამ ყოველივეს ხელს ვერავითარი ბარიერი ვერ შეუშლის: „ევროპამ და ზოგადად, მსოფლიომ დაინახა და დარწმუნდა, რომ საქართველოს ჰყავს კონსტრუქციულ დიალოგზე ორიენტირებული მთავრობა და ხელისუფლება, მათ ეს ბოლო ერთი წლის განმავლობაში ნათლად დაინახეს და ერთხმად აღიარებენ საქართველოს მიერ მიღწეულ აშკარა პროგრესს.
ისინი კარგად ხედავენ, რომ ჩვენ რთული ცხოვრების წესის მართვა შევძელით, რომელსაც ე.წ. კოაბიტაცია ჰქვია. ისინი ამ ყოველივეს პოზიტიურად აფასებენ. ისინი პოზიტიურად აფასებენ ასევე საქართველოს ახალი ხელისუფლების მიერ მიღწეულ რეალურ შედეგებს ხელისუფლების მიღწევებს ადამიანის უფლებების დაცვის კუთხით.
მე არცერთი ოფიციალური პირისგან კრიტიკული შეფასებები გასული წლის მიღწევებთან დაკავშირებით არ მომისმენია. რაც შეეხება საქართველოს მიმართ გაათმაგებულ ინტერესს, რეალურად ჯერ კიდევ მიუნჰენში გამოიკვეთა. ის ფაქტი, რომ ბაროზომ დამიდასტურა, ისინი მზად არიან ყველა რეკორდი მოხსნან და აგვისტოს თვეში ასოცირების ხელშეკრულებას ხელი მოაწერონ.
საქართველო არის გამოკვეთილი ლიდერი ამ პროექტში. მოლდოვაშიც საინტერესოდ ვითარდება სიტუაცია. ჩვენ მართლაც გამოკვეთილი ლიდერი რეგიონში და ამ პროექტში, შესაბამისად ევროპისგან გაათმაგებული ინტერესი გამოიკვეთება.
მე პირადად არაერთხელ განვაცხადე, რომ საქართველოს ევროპული არჩევანი, ეს არის საქართველოს მოსახლეობის აბსოლუტური უმრავლესობის არჩევანი და ჩვენ კიდევ უფრო მეტად ვართ წახალისებული საქართველოს მოსახლეობის მხარდაჭერით. აქედან გამომდინარე მე ვთვლი, რომ საქართველოს ევროპული ინტეგრაცია გახდა შეუქცევადი და ჩვენ ნათლად დავადასტურეთ, რომ ეს პროცესი არ გადაიხედება“, - განაცხადა ღარიბაშვილმა.
