სააგენტო "ჯი ეიჩ ენისა" და ჟურნალ "პრემიერის" დამფუძნებელი გოჩა მირცხულავა, რომელმაც "რეაქციის" დახურვა ერთერთმა პირველმა იწინასწარმეტყველა, ხელისუფლების წარმომადგენლებს მიმართავს და მოუწოდებს, კომენტარი გააკეთონ და რაიმე თქვან.
"თითქმის ვერსად გადავაწყდი ხელისუფლების წარმომადგენელთა კომენტარებს „იმედთან“ დაკავშირებით. (კობახიძე არ ითვლება. ის ნანობს იმას, რომ ეთერი დაკარგა). ვისაც მივმართეთ, ყველა უარზეა. მერე ადგებიან და მოგთხოვენ - დაბალანსებული ინფოო. ნუ, გასაგებია კომენტარის შინაარსი - კერძო ტელევიზიაა და ხელისუფლება ვერ ჩაერევა...
მაგრამ თქვით ვინმემ ეს, თქვით! შეაქეთ გრიგოლია, რომ მაგარია და უსამსახუროდ არ დარჩება. აღნიშნეთ, რომ სიტყვის თავისუფლებას არაფერი ემუქრება - საქართველოში გიჟიც და სიტყვაც თავისუფალიათქო. ანუ, ორივე ავადაა, რა...
კიდევ ის თქვით, რომ "რეაქციის" დახურვის, "რუსთავი 2"-ის ახევის, "მაესტროს" დამორჩილების გადაწყვეტილება, ისევე როგორც ინტერნეტმედიისა და პრესის მართვის „გონივრული სტრატეგია“ ჯერ კიდევ შარშან შემოდგომაზე შეიმუშავეთ. მერე გარემოებებმა შეგიშალათ ხელი და ივნისში კვლავ განაახლეთ თქვენი გეგმა. მოკლედ რამე თქვით პლზ. ტეხავს სხვანაირად...", - წერს გოჩა მირცხულავა.