2014-01-29 15:37

აშშ-ს შტატის ტეხასის ქალაქ ჯოშუაში უცნაური ფაქტი დაფიქსირდა. 16 წლის გოგონა, ექსტრემალი მაკენზი უზინტონი სამედიცინო დაწესებულებაში პარაშუტით გადმოხტომის შედეგად მომხდარი უბედური შემთხვევის შემდეგ მოხვდა.

900 მეტრიანი სიმაღლიდან გადმოხტომის შემდეგ, მაკენზის პარაშუტი არ გაიხსნა. გოგონა მიწაზე დაეცა, თუმცა გადარჩა, იგი სამედიცინო დაწესებულებაში მრავლობითი მოტეხილობებით მიიყვანეს.

როგორც ცნობილია, უბედური შემთხვევის დროს თვითმფრინავიდან პირველი გოგონას მამა გადმოხტა, თუმცა, მისი პარაშუტი მწყობრში აღმოჩნდა, შვილის სიკვდილ-სიცოცხლის საკითხს, მამა საკუთარი თვალებით აკვირდებოდა. იგი უკვე დაშვებული იყო, როცა ხედავდა, რომ მაკენზი პარაშუტს ვერ ხსნიდა.

ექიმების განცხადებით, გოგონას სიცოცხლეს საფრთხე არ ემუქრება, მას დაზიანებული აქვს ღვიძლი და მოტეხილი აქვს რამდენიმე ნეკნი. ასევე დაზიანებული აქვს თავის ქალა, თუმცა სამედიცინო პერსონალი იმედოვნებს, რომ 16 წლის მაკენზი უახლოეს მომავალში გამოჯანმრთელდება.