საქართველოს ყოფილი პრეზიდენტის, მიხეილ სააკაშვილის განცხადებით, ის უკრაინულ ტელეარხ Zik-ზე ყოველკვირეული თოქ-შოუს „სხვა უკრაინა“-ს წამყვანი იქნება.

თელავის მუნიციპალიტეტის სოფელ ნაფარეულში 28 წლის მამაკაცი მოკლეს. არსებული ინფორმაციით, ის თანასოფლელმა სანადირო თოფით მოკლა. ამ დროისთვის მოტივი უცნობია.

ე.წ ციანიდის საქმეზე თბილისის საქალაქო სასამართლომ უკვე დააკმაყოფილა პროკურატურის მოთხოვნა წინასასამართლო სხდომის ერთი თვით გადადების თაობაზე. 

შენგენის ზონის ქვეყნებში უვიზო მიმოსვლით სარგებლობა ბიომეტრული პასპორტების მქონე საქართველოს მოქალაქეებს 180 დღის განმავლობაში მაქსიმალური, 90 დღის ვადით შეუძლიათ. 

საქართველოს საგარეო საქმეთა მინისტრის განცხადებით, პირი, რომელიც ევროკავშირში, შენგენის ზონაში ყოფნის წესს დაარღვევს, დეპორტაციის გარდა, 3000 ევროთი დაჯარიმდება.

უვიზო მიმოსვლის აღსანიშნავად საქართველოს პრემიერმინისტრი სტუდენტებთან, მეცნიერებთან, მედიისა და მთავრობის წარმომადგენლებთან ერთად, გამთენიისას ათენში გაემგზავრა. პრემიერი ათენის უნივერსიტეტში გამართულ კონფერენციას დაესწრო.

ევროკავშირის ქვეყნებში გადაადგილების მსურველ მოქალაქეებს მესაზღვრე-კონტროლიორები  საბაჟო გამშვებ პუნქტებზე დეტალურად გაესაუბრებიან. ამის შესახებ განცხადება, საქათველოს შინაგან საქმეთა მინისტრმა გააკეთა. გიორგი მღებრიშვილმა სპეციალურ ბრიფინგზე, ის პროცედურები განმარტა, რომელიც ვიზალიბერალიზაციის ძალაში შესვლისთანავე ამოქმედდება.

ხვალ, 19:00 საათზე ეროვნული ბიბლიოთეკის საკონფერენციო დარბაზში, „თავისუფალი ხელოვნების სტუდიაში“ (Free Art Studio) შექმნილი სხვადასხვა პროფესიისა და ასაკის მოყვარულ მხატვართა გამოფენა გაიხსნება.

გვაქვს ტექნიკური საშუალებები, რათა გამოვავლინოთ მოქალაქეები, რომლებიც უვიზო მიმოსვლის პირობებს დაარღვევენ - განაცხადა შინაგან საქმეთა მინისტრის მოადგილე შალვა ხუციშვილმა.

საქართველოს, შემოდგომაზე, ოფიციალური ვიზიტით, უკრაინის პრემიერ-მინისტრი ვლადიმირ გროისმანი (Volodymyr Groysman) ეწვევა, - ამის შესახებ უკრაინის მთავრობის მეთაურმა ქართველ კოლეგასთან, გიორგი კვირიკაშვილთან შეხვედრისას განაცხადა.