პარლამენტის თავდაცვისა და უშიშროების კომიტეტის თავმჯდომარე მისი შვილის შესახებ გაკეთებულ განცხადებას კიდევ ერთხელ ეხმაურება და განმარტავს რატომ აღმოჩნდა, დანაშაულის ადგილზე მისი შვილის თითის ანაბეჭდები.
სესიაშვილი ენმ-ს განცხადებას მის მიმართ წამოწყებულ ბინზურ კამპანიას უწოდებს.
"ავტომობილი ეკუთვნის ჩემ მეგობარ ირაკლი სანაიას, რომელსაც მართავს მისი შვილი და რომელიც არის ჩემი შვილის ბავშვობის მეგობარი. რაც შეეხება იმ ადამიანს, ვისაც "რუსთავი 2" დაუკავშირდა, ჩემ შვილს იგი არ იცნობს, რადგან მან დარეკა პოლიციაში და არა ავტომობილის მძღოლმა და მცდელობა, რომ რაღაც ეპოვათ, წყალში ჩაეყარათ. ავტომობილი, რომელზეც აღმოჩენილია ანაბეჭდები, ეკუთვნის ჩემი შვილის ბავშვობის მეგობარს, რომელთან ერთადაც არის 24 საათი და ცხადია, ამ ავტომობილზე ჩემი შვილის ანაბეჭდებიც არის სხვა ანაბეჭდებთან ერთად. ეს ბუნებრივი მოვლენაა.
„ნაციონალურ მოძრაობას“ ეტყობა ვერ წარმოუდგენია, რომ მეგობრობა არსებობს და მეგობრის მანქანას შეეხო. „ნაციონალურმა მოძრაობამ“ მთელი სკანდალი ააგორა. დარწმუნებული ვარ, გამოძიება დაადგენს, რომ დანაშაულის მოხდენის დროს ჩემი შვილი არ იმყოფებოდა იქ. ეს არის პოლიტიკური ცილისწამება, რომელიც მიმართულია ჩემს წინააღმდეგ. გამოიყვანეს ვინმე იოსელიანი, რომლის ყველაზე დიდი მიღწევა არის ის, რომ არის თინა ბოკუჩავას ქმარი“, - განაცხადა სესიაშვილმა.